«Манчестер Юнайтед»нинг қарзлари бир йилда 39,3 миллион фунтга ошди

«Манчестер Юнайтед»нинг соф қарзи бир йилда 39,3 миллион фунтга кўпайди.

The Guardian эълон қилган ҳисоб-китобда 2021 йил 31 декабрь ҳолатига кўра манкунианликларнинг қарзи 494,8 миллион фунтни ташкил этган. 2020 йилнинг сўнгида эса қарзлар 455,5 миллион фунт бўлган.

Молиявий пасайишга клубнинг телевизион трансляциялардан тушган даромадининг пасайиши сабаб бўлди. «Манчестер Юнайтед» 2020/21 йилги мавсумнинг аналоги бўлган сўнгги чоракка нисбатан 22,3 миллион фунт (20,5 фоиз) кам даромад қилган.

Аввалроқ «қизил иблислар» собиқ бош мураббийи Оле-Гуннар Сульшерни истеъфога чиқаргани учун унга 7 миллион фунт стерлинг тўлаб бергани хабар қилинганди.

Манкунианликлар Англия чемпионатининг 2021/22 йилги мавсумида 47 очко билан 4-ўринда бормоқда.