Аввалроқ хабар берилганидек, «Магнит Косметик» Ўзбекистон бозорига кириб келмоқда.
Биринчи дўконлар баҳор бошларида очилади. Бу ҳақида «Магнит» бош директори Ян Дюннинг «Инвестор куни» тадбирида маълум қилди.
«Биз Ўзбекистонда ўз фаолиятимизни бошлаймиз. Ўз косметика бизнесимиз билан Ўзбекистон бозорига киришни истаяпмиз. Биринчи дўконларимизнинг очилиши март ва апрель ойларига мўлжалланган», — дейди у.
Унинг таъкидлашича, дўкон товарлари Россиядаги дўконлар тармоғидаги каби худди ўша таъминотчилар томонидан етказиб берилади.
Аввалроқ Ўзбекистон бозорига Wildberries интернет ритейлери кириб келгани ҳақида хабар берилган эди.
2021 йилнинг 31 декабрь ҳолатига кўра, Магнит дўконлар тармоғининг Россия Федерациясидаги 3 минг 898 та аҳоли яшаш пунктида 26 мингдан зиёд дўкони, шу жумладан 6,9 мингта «Магнит Косметик» дўконлари жойлашган.
Изоҳ (0)