Илон Маск ноябрь ойида Tesla компаниясининг 5,7 млрд долларлик акцияларини хайрия қилган. Бу ҳақда Bloomberg хабар бермоқда.
Қимматли қоғозлар ва биржалар бўйича компания комиссиясига тақдим этилган ҳужжатларга кўра, дунёнинг энг бой одами 19 ноябрдан 29 ноябргача электромобиль ишлаб чиқарувчи корхонанинг 5 миллиондан ортиқ акцияларини хайрия қилган.
Акцияларнинг қиймати тахминан 5,7 млрд долларни ташкил этди. Маълумотларга кўра, бу тарихдаги энг катта хайриялардан бирига айланди. Ҳужжатларда хайрия ташкилотининг номи кўрсатилмаган.
Маскнинг хайрия учун сарфланган ушбу пуллари АҚШ тарихидаги энг катта солиқ тўловини камайтиришга ёрдам берди.
2021 йилнинг бошида Илон Маск дунёдаги энг бой одамга айланган эди.
Аввалроқ Tesla компанияси 2021 йилда қарийб бир миллион дона электромобиль сотгани хабар қилинган эди.
Изоҳ (0)