Андрес Иньеста «Барселона»га қайтишга тайёрлигини айтди
Япониянинг «Виссел Кобе» жамоаси футболчиси Андрес Иньеста «Барселона»га қайтишни хоҳлаётганини айтди.
«‘Барселонаъга жон деб қайтган бўлардим. Жамоага ёрдам беришни хоҳлайман. Бу ерда жуда кўп нарсалар ўзгармоқда ва келажакда нима бўлишини олдиндан айтиш қийин.
‘Барселона’ — менинг уйим ва ҳеч қаер унинг ўрнини боса олмайди. Ҳамон футбол ичида бўлиш ва у ҳақида ўйлаш ёқади. Бу менга энг кўп ҳаяжон бағишлайди. Мураббий ёки спорт директори бўлишни хоҳлаётганимни тушунаман. Келажагим футбол билан боғлиқ бўлиши лозим», — дейди 37 ёшли Иньеста.
Испаниялик футболчи 2002 йилдан 2018 йилга қадар «Барселона» шарафини ҳимоя қилган ва жамоа билан 32 та соврин қўлга киритган. 2018 йилда эркин агент сифатида «Виссел Кобе»га ўтган эди. Иньестанинг Япон клуби билан амалдаги шартномаси 2024 йилда ўз ниҳоясига етади.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
