Андижон вилояти Марҳамат туманидаги мактаблардан бирида ўқитувчилар ўқув муассасасида таълим сифати, ўқувчиларнинг олийгоҳларга кириш кўрсаткичи пастлиги, ўқувчиларнинг ўзлаштириши қониқарсиз экани туфайли ота-оналар олдида тик туриб, узр сўрагани хабар қилинганди. Бош прокуратура матбуот котибининг «Дарё»га маълум қилишича, туман Халқ таълими бошқармасига хизмат текшируви тайинланади.
«Туман ХТБ ҳаракатлари бўйича хизмат текшируви тайинлаш ва баҳо бериш юзасидан Андижон вилояти прокуратураси томонидан вилоят ХТБга тақдимнома киритилди», — дейди идора матбуот котиби Ҳаёт Шамсутдинов.
Кейинроқ Андижон вилояти ҳокими Шуҳрат Абдураҳмонов ҳам ушбу ҳолатга муносабат билдириб, «хатога йўл қўйган ҳар қандай раҳбарга қонунда белгиланган жазо чораларини кўрилишини таъминланишини»ни таъкидлади. Андижон вилояти халқ таълими бошқармаси бошлиғи ва Марҳамат тумани ҳокими ўқитувчилардан узр сўради.
Изоҳ (0)