Сурхондарё вилояти Ангор туманида фуқарога ҳайдовчилик гувоҳномасини ўқишга қатнашмасдан олиб бермоқчи бўлган инспектор аниқланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Ангор туман бўлими терговга қадар текширув ўтказган. Унда «Ватанпарвар» ташкилоти тумани ўқув спорт-техника клуби кадрлар бўйича инспектори С.М. фуқаро А.га «Б» тоифадаги ҳайдовчилик гувоҳномасини 1 ой муддатда ўқув машғулотларига қатнашмасдан, имтиҳонларни ижобий ҳал қилиб олиб беришни ваъда қилгани аниқланган. У бунинг эвазига 1,9 миллион сўмни қўлга киритган, текширув давомида ихтиёрий равишда қайтарган 1 миллион сўми ашёвий далил сифатида олинган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Тошкент вилоятида фуқарони хорижий ОТМга киритиб қўйиш ва бир йилдан кейин ўқишни Ўзбекистонга кўчириб бериш учун 10 минг доллар сўраган шахслар ушланди
- Бухорода пора эвазига 50 гектар ер олиб беришни ваъда қилган ҳокимлик бош мутахассиси ушланди
- Бухорода ҳокимликнинг сохта ходими фуқарога бепул уй олиб бериш учун 2 минг доллар олгани аниқланди
Изоҳ (0)