Самарқанд туманида 4 гектар ерни расмийлаштириб бериш эвазига фуқародан 30 минг доллар талаб қилган адвокат ушланди. Бу ҳақда ДХХ Самарқанд вилояти бошқармаси «Дарё»га маълум қилди.
Маълум қилинишича, 20 январь куни Давлат хавфсизлик хизмати ва Бош прокуратура ҳузуридаги иқтисодий жиноятларга қарши курашиш департаменти ходимлари ҳамкорлигида ноқонуний ер сотиш ҳолатига қарши тезкор тадбир ўтказилган.
Тадбир давомида Самарқанд туманида яшовчи, нуфузли адвокатлик бюроси адвокати А.Т. ўзига ижара ҳуқуқи асосида берилган «Жомбой давлат ўрмон хўжалиги»га тегишли бўлган 4 гектар ер майдонини маҳаллий фуқаро У.М.га сотмоқчи бўлгани аниқланган. Улар ерни 30 минг долларга сотишга келишган. Адвокат кўрсатилган маблағнинг 15 минг долларини ўз хизмат хонасида олаётган вақтда ашёвий далиллар билан ушланган.
Ҳозирда адвокат А.Т.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Аввалроқ Фарғонада прокурор 1000 доллар пора билан қўлга тушгани, Самарқандда 0,25 гектар ерни 24 минг долларга сотишга уринган Кадастр агентлиги ходими ва унинг шериги ушлангани тўғрисида хабар берилганди.
Мавзуга доир:
- Тошкент вилоятида 13,7 гектар ерни 3,4 млн долларга сотмоқчи бўлган инвестициялар ва ташқи савдо бошқармаси ходими ушланди
- Тошкентда ерни ноқонуний олиб бермоқчи бўлган хонанда ДХХ томонидан қўлга олинди
- Тошкентда 2,5 сотихли уй-жойни офис учун олиб беришни ваъда қилиб, тадбиркорнинг 15 минг долларини қўлга киритган шахс аниқланди
Изоҳ (0)