18 январь куни Туркиянинг Истанбул шаҳридан Урганч шаҳрига учаётган рейс мажбурий тарзда Тошкентга йўналтирилади. Бу ҳақда Uzbekistan Airways хабар қилди.
Қайд этилишича, бунга ноқулай об-ҳаво шароити сабаб бўлган. Рейсдаги барча 98 нафар йўловчи меҳмонхонага жойлаштирилади. Ушбу йўловчилар 19 январь куни HY-051 рейси билан Урганчга парвоз қилади.
Шунингдек, Урганчда бўлиб турган об-ҳаво туфайли HY-054 Урганч—Тошкент рейси бекор қилинди. Ушбу рейс йўловчилари 19 январь куни HY-052 рейси билан Тошкентга парвоз қилади.
Эслатиб ўтамиз, «Ўзгидромет» 18 январь кунги об-ҳаво прогнозини эълон қилганди. Унга кўра, Қорақалпоғистон Республикаси, Хоразм вилоятида ҳаво ўзгариб туради, бироз қор ёғиши мумкин. Баъзи жойларга туман тушиши мумкин.
Изоҳ (0)