Фарғона шаҳрида Ўзбекистон Қуролли Кучлари ташкил этилганининг 30 йиллиги ҳамда Ватан ҳимоячилари куни муносабати билан ҳажми 1100 квадрат метр бўлган байроқ аскарлар томонидан шаҳар кўчалари бўйлаб олиб ўтилди. Бу ҳақда «Дарё» мухбири хабар бермоқда.
Қайд этилишича, 13 январь куни Фарғона вилояти ҳокимлиги ҳамда Шарқий ҳарбий округ қўшинлари қўмондонлиги томонидан ўтказилган тадбирда вилоятдаги ҳарбий қисмлари офицер, сержант, аскарлари ва кенг жамоатчилик вакиллари иштирок этган.
Парад давомида рекорд даражадаги — 1100 квадрат метр бўлган байроқ аскарлар кўмагида кенг ёйилиб, вилоят Тадбиркорлар уйи олдидан Ислом Каримов номидаги театр ва концерт саройигача бўлган масофага ҳарбий оркестр жўрлигидаги мусиқа садолари остида олиб борилган.
Изоҳ (0)