Москва—Қарши йўналиши бўйича парвозни амалга оширган Россиянинг «Сибир» авиакомпаниясига тегишли самолёт 11 январь куни соат 01:42 да Урганч халқаро аэропортида фавқулодда қўнишни амалга оширган. Бу ҳақда Uzbekistan Airports ахборот хизмати хабар берди.
Маълум қилинишича, фавқулодда қўниш йўловчилардан бирига — Тожикистон фуқаросига тезкор тиббий ёрдам керак бўлиб қолгани сабаб амалга оширилган. Дастлабки маълумотларга кўра, эркакнинг кўричаги оғриб қолган. Экипаж самолётни энг яқин аэропортга қўндириш бўйича қарор қабул қилган.
Қўниш амалга оширилганидан сўнг, йўловчини тез ёрдам машинаси олиб кетган ва у Урганчдаги тиббиёт муассасасига жойлаштирилган.
S7 авиакомпанияси самолёти Қаршидан маҳаллий вақт билан соат 02:31 да учиб кетган.
Эслатиб ўтамиз, 2021 йилнинг ноябрь охирларида Санкт-Петербург—Наманган йўналиши бўйича учган самолёт экипажи бортидаги йўловчилардан бирининг муддатдан олдинги туғруқни қабул қилишга мажбур бўлганди.
Изоҳ (0)