Гўзаллик ва тозаликни сақлаб қолиш аксарият аёлларнинг асосий вазифасига айланган. Бунинг учун қиммат шампунь, ниқоб ва зардобдан фойдаланишади. Ушбу воситалар ҳақиқатан ҳам керакми ёки йўқлигини қуйидаги маълумотлар орқали билиб олишингиз мумкин.
Сочларни тез-тез ювиш керакми?
Сочларни ҳар куни ювиш кераклиги ҳақида кенг тарқалган афсона бор. Шампуньнинг вазифаси сочларни ҳид, тер ёки ёғдан тозалашдир. Оддий бош териси ювилгандан кейин иккинчи куннинг охирига келиб сочлар ёғли бўла бошлайди. Агар бу одатдагидан эрта содир бўлса, дарҳол трихологга мурожаат қилиш керак. Шифокор ёғ безларининг фаолиятини тартибга солишга ёрдам беради.
Кўпчилик буни ҳар куни юз ва қўлларни ювиш билан бир хил кундалик одат деб баҳслашади. Аммо бош териси ва юзнинг pH даражаси, ҳимоя функцияси бошқача. Бундан ташқари, ювиниш гелларида ишлатиладиган формулалар сочлардаги кирни юва олмайди ва шунинг учун компонентлар шампунларда салбий таъсирга эга бўлади. Энг ишончли усул – сочни дарҳол ювмаслик керак. Ҳақиқатан ҳам соч илдизлари ёғланмагунча кутиш керак.
Сочни қандай қилиб тўғри ювиш керак?
Интернет оламида шампунни икки марта қўллашни маслаҳат беришади. Биринчи ёндашувда кир ювилса, иккинчисида эса сочлар ёғдан тозаланади. Биринчидан, яхши шампунь бир вақтнинг ўзида ҳамма нарсани ювади, иккинчидан, бош терисидаги ёғ муҳим ва зарур вазифани бажаради. Ёғ безлари терининг қуришидан ҳимоя қилади ва нормал ўсиши учун соч фолликулаларини озиқлантиради. Агар тери қуриса, қазғоқ ва қичишиш пайдо бўлади ва ёғ безларининг нормал фаолиятини тиклаш осон кечмайди.
Нима учун тозалашда мойлардан фойдаланиш керак?
Тозалаш ва ювиш бир нарсани англатмайди. Шампунь – бу чанг ва кирни бартараф этади, тозалашни эса бошқа йўл билан ҳам амалга ошириш мумкин. Мисол учун, ювишдан олдин сочларга қўлланадиган бош териси мойлари мавжуд. Мойнинг тозалаш учун ишлатилиши ғалати туйилади, лекин бу эфир мойлари бўлиб, тозалаш учун айни муддао. Маҳсулотнинг вазифаси шундаки, у бош терисида ҳимоя қобиғини ҳосил қилади, бу терини шампуннинг агрессив моддаларидан ҳимоя қилади ва сочларни ювиш учун тайёрлайди.
Сочларини тез-тез шампунь билан ювишдан атайлаб бош тортадиган одамлар бор. Жингалак сочларга шампунь янада ҳажм бериб юборади. Шунинг учун жингалак соч эгалари биринчи навбатда қуруқ сочларга кондиционер суртади ва кейин уларни оддий сув билан ювиб ташлайди. Аммо ушбу усул шампунни бутунлай рад этишни англатмайди, у ҳафтада бир марта фақат бош терисини тозалаш учун қўлланади.
Изоҳ (0)