Японияда кучли қор ёғиши оқибатида транспорт ҳаракати тўхтади, минглаб оилалар электр таъминотисиз қолди. Бу ҳақда The Watchers хабар берди.
Хабарга кўра, Япония денгизи соҳилларида етти кундан бери қор ёғмоқда. Ноқулай об-ҳаводан 10 га яқин киши жабрланган. Ҳукумат аҳолига заруратсиз уйларини тарк этмасликни тавсия қилмоқда.
Қайд этилишича, Аомори префектурасида 200 сантиметр, Киото, Нагое ва Хиросимада ҳам кўп миқдорда қор ёғган.
Қор ёғиши тирбандликларга сабаб бўлган. Япониянинг айрим ҳудудларида рейслар бекор қилинган, транспорт ҳаракати тўхтатилган, 3200 дан ортиқ оила электрсиз қолган.
