Эрта ажин тушиши, тери қуриши ва юз тозаловчи салфетка келтириб чиқарадиган бошқа салбий оқибатлар

Одатда макияжни тозалаш учун салфеткалардан тез-тез фойдаланилади. Улар ҳақиқатан ҳам фойдалими?

Салфеткалар макияжни тозаламайди

Макияжни тозалаш учун фойдаланадиган салфеткалар фақат бўёқ ва кирларни терига чуқурроқ сингдиради. Визуал равишда косметика ювилгандек туюлиши мумкин, лекин аслида бунинг акси бўлади. Юзда, албатта, макияж қолдиқлари қолади. Улар тери қуриши, ёғланиши каби салбий оқибатларга олиб келади.

Агар улардан фойдаланишда давом этилса, албатта, юзни сув билан ювиб ташлаш тавсия этилади ва кейин қўшимча тозалаш учун гел, кўпик ёки кремдан фойдаланиш керак.

Салфеткалар яллиғланиш хусусиятини келтириб чиқаради

Кўпчилик юз терисини фақат салфетка билан тозалайди, оддий сув билан ювишни унутади, натижада терида фаол моддалар қолади. Аммо косметик воситалар таркибида юқори концентрацияли консервантлар, турли хил моддалар мавжуд. Шунингдек, кўпинча терини қуришига сабаб бўладиган таркибга спирт қўшилади.

Кераксиз эксфолиация

Агар тери нозик бўлса, албатта, салфетка ёрдамида ишқаланади. Демак, терини тозалаш учун озгина бўлса-да, барибир куч сарфланади. Шунинг учун салфеткалар билан тозалашдан кейин юзда қизил доғлар бўлиши мумкин. Бундан ташқари, уларнинг ҳаммаси ҳам ёқимли ва юмшоқ материалдан тайёрланмайди, улар ҳам эксфолиатор сифатида ҳаракат қилиши мумкин, бу нозик терига салбий таъсир ўтказади.

Улар билан тери осилади

Макияжни тозалайдиган салфеткалар юзни тезда тозалагани учун яхши кўриб фойдаланилади. Аммо баъзилар уни шунчаки юзга ишқалайди ва натижада тери чўзилади. Бундай кундалик тартиб билан тери вақт ўтиши билан эластиклигини йўқота бошлайди, натижада ажинлар пайдо бўлиши мумкин.

Чақалоқлар учун тозаловчи салфеткалар 

Бу каби салфеткалардан ҳам макияжни тозалашда фойдаланишади, чунки уларнинг қадоғи катта ва бошқаларга қараганда анча арзон. Улар бироз юмшоқроқ бўлса-да, лекин терини етарлича тозаламайди. Вақт ўтиши билан терининг юзаси ёмонлашади: тошма, қора нуқта ва терининг кўриниши билан боғлиқ бошқа муаммолар пайдо бўлиши мумкин.

Экологик жиҳатдан қулай эмас

Бир марта ишлатиладиган салфеткалар жуда узоқ вақт давомида парчаланади, микропластикларга бўлинади, улар ҳар қандай тирик организмларга кириб боради. Кўпгина ҳайвонлар пластик ва салфеткаларни истеъмол қилиш орқали қирилиб кетмоқда. Салфеткалар чиқинди майдонларига етиб боргач, тупроқни заҳарлайди.

«Денгизни муҳофаза қилиш жамияти ҳисоб-китобларига кўра, Буюк Британиядаги пляжнинг ҳар 100 метрига, тахминан, 27 салфетка тўғри келади», – деб ёзади Recyclemag нашри. Американинг Nice-Pak компанияси йилига 125 миллиарддан ортиқ нам салфетка ишлаб чиқаради ва бу фақат битта компанияга тегишли, бу каби компаниялардан дунё бўйлаб бир нечтаси мавжуд. Шунинг учун макияжни тозалаш учун бальзам фойдасига салфеткадан воз кечиш тавсия қилинади.