Экранларда кўринмай қолган Голливуд юлдузлари (фото)

Путур етган мавқе, муваффақиятсиз лойиҳа, оилавий муаммолар ва шунчаки чарчоқ ... Кэмерон Диаз, Жо Пеши ва бошқа бир неча Голливуд юлдузлари нима учун фильмларда суратга тушмай қўйди, деган саволга қуйида жавоб берамиз.

Жо Пеши

1990 йилда Пеши «Ажойиб болалар» («Goodfellas») фильмидаги Томми Де Вито роли учун «Оскар» мукофотини қўлга киритди ва ундан олдин «Ғазабланган буқа» («Raging Bull») ва «Бир пайтлар Америкада» («Оnce Upon а Time in America») драмаларида ўйнади. «Уйда ёлғиз» комедиясидаги ўғри роли Жо Пеши учун чинакамига янги образ эди, чунки у бундан олдин жиддий мафия сардори ролини ижро этган.

Кейин у Мартин Скорсезенинг «Казино» фильмида ва 2006 йилда Роберт Де Ниронинг «Ёлғон васваса» режиссёрлик лойиҳасида иштирок этди. Охирги 10 йил ичида 75 ёшли Пеши атиги иккита фильмда суратга тушди. Расмий маълумотларга кўра, актёр мусиқа билан шуғулланади. Аммо унинг интервьюларидан хулоса қилиш мумкинки, актёр Голливуддан шунчаки зериккан.

Мег Райан

2000 йилда Мег «Ҳаёт исботи» фильмидаги партнёри Расселл Кроуни севиб қолди. Унинг учун у эри Деннис Куэйдни тарк этди, оғир операцияни бошдан ўтказди ва севгилиси билан ватани Австралияга кетди. Афсуски, Мегнинг режаси барбод бўлди. У Кроу билан тил топиша олмади ва собиқ турмуш ўртоғи ёнига қайтиб келди, лекин синган шишани қайта тиклаб бўлмаганидек эр-хотин ажрашди. Бу эса Мегнинг карьерасига таъсир қилмай қолмади. Ушбу можаролардан сўнг режиссёрлар актрисани романтик комедияларнинг қаҳрамони сифатида кўришмади. Мег 2001 йилда «Кейт ва Лео» фильмида иштирок этди. Ўшандан бери Мег вақти-вақти билан телесериалларнинг эпизодик ролларига овоз бериб келмоқда.

Кэмерон Диаз

2015 йилда актриса «Good Charlotte» гуруҳи гитарачиси Бенжи Мадденга турмушга чиқди. Сўнгра суратга тушиш ишларини бутунлай ташлаб, ҳомиладорликни режалаштиришни бошлади. Ҳозиргача жуфтликнинг оиласида бирор янгилик бўлмади.