Бухоро шаҳрида ҳокимлик ҳисобидан бепул уй олиб бермоқчи бўлган сохта ходим ушланди, деб хабар бермоқда Иқтисодий жиноятларга қарши курашиш департаменти.
Маълум қилинишича, Бош прокуратура ҳузуридаги департаментнинг Бухоро вилояти бошқармаси терговга қадар текширув ўтказган. Унда И.Б. исмли шахс ўзини Бухоро шаҳар ҳокимлиги деб таништириб, фуқаро Н.га ҳокимлик томонидан ажратиладиган бепул уйлардан бирини олиб беришни ваъда қилиб, 2 минг доллар олгани аниқланган.
Қайд этилишича, у ихтиёрий равишда 3 миллион сўм ва 1750 долларни қайтариб берган, пуллар ашёвий далил сифатида олинган. Текширув давомида И.Б. аввал ҳам фирибгарлик жинояти билан судлангани аниқланган.
Таъкидланишича, ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)