Тирноқларни парвариш учун нималар қилиш кераклиги ҳақида «Домашний очаг» нашри маълумот бериб ўтади.
Денгиз тузи
Денгиз тузи тирноқлар саломатлиги ва мустаҳкамлигини таъминловчи табиий минералларнинг кони саналади. Шу сабаб ҳам 2 чой қошиқ туз қўшилган бир стакан илиқ сувга тирноқларни солиб ўтириш тавсия қилинади.
Кокос ёғи
Кокос ёғида тирноқ ва унинг атрофидаги терини намлантирувчи хусусиятга эга бўлган тўйинган ёғлар бисёр. Уни тирноқ атрофига суртиб, енгил ҳаракатлар билан массаж қилиш тавсия қилинади.
Олма сиркаси
Кальций, магний, темир сингари минералларнинг кони ҳисобланган олма сиркаси тирноқ пластинкасини мустаҳкамлашга ҳисса қўшиб, замбуруғли инфекциялардан ҳимоя қилади. 1:1 нисбатдаги сирка қўшилган сувга қўлларни солиб, ванна қилиш тавсия қилинади.
Пиво
Истеъмол қилиш тавсия қилинмайдиган спиртли ичимликлар ташқи қўлланганда яхши самара беради. Ундаги калий, фосфор ва биотин тирноқлар ҳолатини яхшилайди. Бунинг учун бир стакан олма сиркасига яна шунча пиво ва 0,25 стакан илиқ зайтун ёғи қўшинг. Кейин эса қўлларни 15 дақиқа солиб ўтиринг.
Ўсимлик ёғи
Сув ва қуруқ ҳаводан қўлда муаммолар пайдо бўлганда эса ўсимлик ёғи билан массаж қилиш яхши самара бериши мумкин
Чой дарахти ёғи ва E витамини
Уларнинг ҳар иккиси ҳам қуруқ терини намлантириб, турли инфекциялар тушишининг олдини олади. Шу сабаб ҳам ҳар тунда, уйқудан аввал ушбу аралашмани тирноқ атрофидаги терига суртиш тавсия қилинади.
Ичимлик содаси
Ичимлик содаси нафақат тирноқларни мустаҳкамлайди, балки ундаги лакдан қолган сарғиш доғларни ҳам кетказади. Бунинг учун 1 ош қошиқ ичимлик содаси қўшилган 250 мл суюқликка қўлларни 15 дақиқа солиб ўтириш маслаҳат берилади.
Лимон ва шакар
Тирноқлар соғлом ва тиниқ кўринишга эга бўлиши учун ярим бўлак лимон шарбатини 1 ош қошиқ шакарга қўшиб суртиш тавсия қилинади. 5-7 дақиқадан кейин ювиб ташласангиз бўлади.
Пиёз
Иккига бўлинган пиёзни тирноқ атрофига қўйиб 5 дақиқа ушлаб туринг. Шундан кейин бор соатча қўлингизни ювманг. Ҳиди ёқимсиз бўлгани билан натижа кўзингизни қувнатиши аниқ.
Ялпиз ва мойчечак
Антисептик хусусиятга эга бўлган мойчечак ва таркибидаги эфир ёғи қон айланишини яхшилайдиган ялпиздан аралашма тайёрланг. Бунинг учун бир стакан сувга 2 ош қошиқ мойчечак солинг. Барра ялпиз ва бир неча томчи эфир ёғи қўшинг. 2 ош қошиқ зайтун ёғи ва 2 ош қошиқ ун солишни ҳам унутманг. Тайёр аралашма билан ҳафта давомида тирноқларни бир неча марта артиш керак.
Изоҳ (0)