Фақат кир ювиш эмас: хўжалик совуни асқатиши мумкин бўлган 10 тавсия

Хўжалик совуни таркибида 72 фоизгача бўлган ёғ ва тери учун хавфсиз бўлган ишқор бўлади. Ҳайвон ва ўсимлик ёғидан тайёрлангани учун таркибидаги компонентлари табиий ва аллергия келтириб чиқармайди. Шу сабаб ҳам ундан нафақат кир ювиш ва тозалашда, балки инфекция тушиши ва бактерияларни йўқ қилишда ҳам фойдаланса бўлади.

Пол ювиш

Қирғичдан чиқарилган совунни челакдаги иссиқ сувга қўшинг. Ушбу аралашма кир ва доғларни яхши тозалайди.

Кирларни ювиш

Хўжалик совуни ҳатто кир пайпоқларни ҳам яхшилаб тозалаши мумкин. Кирларни ҳам қирғичдан чиқарилган совун қўшилган иссиқ сувга ивитиб қўйса бўлади. Хўжалик совуни билан болалар кийимларини ювиш, айниқса, мақсадга мувофиқ, чунки у таъсирчан терига аллергия чақирмайди.

Жўмракларни тозалаш

Қирғичдан чиқарилган хўжалик совуни ва хантал кукунидан тайёрланган аралашма билан кафел, раковина ва жўмракларни тозалаш мумкин.

Сабзавотларни ювиш

Дўкон ёки бозордан харид қилинган лавлаги, картошка, сабзи ва бошқа сабзавотларни ҳам совунли аралашма билан тозаласа бўлади.

Ўсимликлар зараркунандаларини йўқ қилиш

Совунли аралашма боғдаги зараркунандалар билан курашишга ёрдам беради. Қолаверса, ўсимликлар учун ҳам буткул хавфсиз ҳисобланади. Аралашмани нафақат боғда, балки хонаки ўсимликларга нисбатан ҳам қўлласа бўлади.

Ҳуснбузарлардан қутулиш

Икки ҳафтада бир марта хўжалик совуни билан ювинса, тери қуриб, ундаги бактерияларнинг йўқ бўлишига олиб келади.

Тиш пастаси ва губкани тозалаш

Антисептик хусусиятга эга экани сабаб совунли аралашмага чўтка ва губкаларни ивитиб қўйсангиз бўлади.

Шишларни йўқ қилиб, кўкаришлар пайдо бўлишининг олдини олиш

Шикастланган тана қисмига совунли аралашма суртилса, кўкаришлар бўлмайди. Жараённи бир неча марта такрорлаш керак.

Инфекцияни йўқ қилиш

Кесилган, тирналган ва шикастланган тери қисмига совунли аралашма билан ишлов берилса, инфекция тушиши билан боғлиқ муаммонинг олди олинади.

Ит ёки мушук тишлаганда совундан фойдаланилади

Инфекция тушмаслиги учун қон тўхтаганидан кейин совунли аралашма билан намланган докани ярага боғлаш керак. Яра тез битади ва яллиғланиш кузатилмайди.