Турк сериалларидаги томошабинлар меҳрига сазовор бўлган жуфтликлар (фото)

Маълумки, эфирга узтилаётган турк сериалларининг давомийлиги, албатта, рейтинг  билан боғлиқ. Рейтинг эса ўз навбатида, сценарий, режиссёрлик иши ҳамда актёр ва актрисалар маҳоратига кўра томошабинлар томонидан белгиланади. Айниқса, мелодрамалардаги жуфтлик сериал ихлосмандлари меҳрини қозонса, бу сериал муваффақиятидан дарак беради. Қуйида турк сериалларида рол ижро этган энг гўзал жуфтликларни эътиборингизга ҳавола этамиз.

 «Эшигимни қоқ» – Эда ва Серкан 

Сериал сюжетига кўра, Ханде Эрчел гавдалантирган қаҳрамон Эда Йилдиз гулчи бўлиб ишлайди ва шу тариқа оиласига ёрдам беради. У ландшафт дизайнери бўлишни орзу қилади ва ҳатто чет элда ўқиш учун грант олади. Аммо сўнгги паллада қизнинг ўқиши учун пул тўлаши керак бўлган компания грантни бекор қилади. Эда ҳамма нарсада компания эгаси, ёш тадбиркор Серкан Болатни айблайди, у эса ўз фирмаси адвокатлари томонидан чиқарилган адолатсиз қарордан ҳам бехабар. Сюжетнинг нозик жиҳатлари бош қаҳрамонларни бирлаштиради, бундан ташқари, Серкан Эдани ўзининг бўлажак рафиқасидек кўрсатишга кўндиради ва бунинг эвазига унинг ўқиши учун пул тўлашга ваъда беради.

«Эркин қуш» – Жан ва Санем

Қувноқ қиз Санем реклама агентлигига ишга киради ва воқеалар гирдобига тушиб қолади. Компания туғилган кунини нишонлаётган вақтда у адашиб бошқа хонага кириб кетади ва у ерда бир йигит билан учрашади. Санем бу унинг тақдири эканини ҳис қилади ва уни излашга тушади. Бу вақтда агентликка директорнинг катта ўғли Жан Дивид раҳбар этиб тайинланади. Жан ва Санем тез орада тил топишиб кетади, аммо қиз ўша нотаниш йигитни излашда давом этади.

«Гилос мавсуми» – Ойку ва Аяз

Ойку ёш ва гўзал, лекин унинг ҳаёти Мете исмли йигитга бўлган яширин ва жавобсиз муҳаббат туфайли қораяди. Мете бошқа аёлни севади, бахтсиз Ойку эса индамай азоб чекади. Мете билан бирга ишлайдиган бош қаҳрамоннинг ҳаётида Аяз исмли йигит пайдо бўлганда ҳамма нарса ўзгаради. Ойку чин севги нималигини ниҳоят тушуниб етади ва Аязнинг тақдири эканига чин дилдан ишонади.

«Тўлин ой» – Назли ва Феррит

Назли ошпаз бўлишни ва ўз ресторанини очишни орзу қилган талаба. Бир куни ўқитувчиси унга ярим кунлик иш таклиф қилади, таниқли бизнесмен Феррит Аслан учун шахсий ошпаз бўлиш. Феррит бой, талабчан ва инжиқ, аммо Назли ўз хўжайинига алоҳида ёндашув топади. Ферритнинг эса узоқ вақтдан бери аёллардан ҳафсаласи пир бўлган ва юрагида севгига жой йўқ эди, аммо янги ходимининг қувноқлиги уни мағлуб этади.

«Маликам энди қара» – Ҳаёт ва Мурат

Сериал турк жамиятининг турли қатламлари вакиллари ўртасидаги буюк муҳаббат ҳақида ҳикоя қилади. Бош қаҳрамон Ҳаёт Истанбулга иш топиш учун келади. Катта шаҳарда у йирик тўқимачилик империясининг вориси Мурат билан учрашади. Қиз бироз алдов йўли билан Муратнинг компниясига ишга киради. Ёшлар ўртасидаги муносабатларни илиқ деб аташ мумкин эмас, лекин олдинда ҳар қандай тўсиқларни енгиб ўтишга қодир бўлган гўзал севги ҳикояси бор.

«Оқ ва қора севги» – Асли ва Ферҳат

Сериал қаҳрамони Ферҳат учун одам ўлдириш оддий иш қилиш билан баробар. У муҳаббат ҳақида барчасини унутган. Кунларнинг бирида ҳаёт уни клиникада ишлайдиган Асли билан тўқнаштиради. Бир кишининг ҳаётини сақлаб қолиш учун Ферҳатга зудлик билан шифокор керак бўлади. У Аслини алдаб қишлоқдаги уйга олиб келади. Ферҳатнинг амакиси Намиқ жиянига қизни йўқ қилиш вазифасини беради. Ферҳатнинг биринчи марта одам ўлдиришга қўли бормайди, лекин Аслининг ҳаётини сақлаб қолиш осон иш эмас.

«Тақиқланган севги» – Бихтер ва Беҳлул

Гўзал Бихтер отаси тенги Аднанни севиб қолади. Қизнинг ҳис-туйғулари самимий, лекин унинг бахтига Аднаннинг рақиби тўсқинлик қилади, бунинг устига онаси ҳам. Аммо Аднан ёш қизни ўзига хотин қилади. Бу вақтда Бихтер ва Аднаннинг асраб олинган жияни Беҳлул ўртасидаги ҳақиқий ва қизғин муҳаббат ҳали алангаланмаган эди.

«Севги изтироби» – Кемал ва Ниҳан

Кемал Сойдере Истанбул университети талабаси, оддий ва ақлли йигит. Унинг отаси Ҳусайн сартарошхона эгаси, онаси Феҳиме эса уй бекаси. Ўғлининг бадавлат оиладан бўлган Ниҳан исмли қизга бўлган эҳтиросли муҳаббати оиласининг «тинчлигини бузади». Уларнинг орасидаги ижтимоий тенгсизлик шунчалик каттаки, Кемал ва Ниҳан ҳис-туйғуларини яширишга мажбур бўлади.