Амир Хон ҳинд киносаноатининг энг машҳур актёрларидан саналади. У суратга тушган «Уч савдойи», «Жоним фидо», «Пикей» ва «Тезлик-3» сингари фильмлар нафақат Ҳиндистон, балки бутун дунёда севиб томоша қилинади. 2018 йилдаги «Ҳиндистонлик каллакесарлар» лойиҳаси омадсиз чиққанига қарамай, актёр ҳаракат қилиш ва суратга тушишда тўхтамаган.
«Лал сингҳ чадҳа»
2019 йил 14 мартда 54 ёшни қаршилаган актёр янги лойиҳада иштирок этиши ҳақида эълон қилган. «Лал сингҳ чадҳа» деб номланувчи фильм «Форест Гамп»нинг болливудча версияси экани ва унда бош аёл қаҳрамонни Карина Капур гавдалантириши маълум бўлган. Амир Хоннинг образи мухлислар орасида шов-шув кўтарилишига сабаб бўлган. Аввалига 2020 йил Янги йил арафасида тақдим қилиниши айтилган фильм, кейинроқ 2021 йилга кўчирилгани билдирилган. Сал аввалроқ эса фильм ижодкорлари ушбу лойиҳанинг намойиши 2022 йил 14 апрелда бўлиб ўтишини маълум қилган.
«Мўғул»
Режиссёр Субхаш Капур 1997 йил мафия томонидан ўлдирилган продюсер Гулшан Куманнинг ҳаёти асосида биографик фильм суратга олишни режалаштирган. Бош қаҳрамон ролига таклиф этилган Акшай Кумар иштирокида ҳатто анимацион постер ҳам тайёрланган. Аммо гонорар борасидаги келишмовчилик сабаб актёр лойиҳани тарк этган. Кейин эса унинг ўрнига Амир Хоннинг фильмга келиб қўшилиши маълум қилинган.
«Маҳобҳорат»
Амир Хон берган интервьюлари давомида орзуси тарихий «Маҳобҳорат»да суратга тушиш эканини таъкидлаган. Миш-мишларга қараганда, айни вақтда актёр Кришна ролига тайёргарлик кўрмоқда. «Лал Сингх Чадҳа»нинг тақдимоти бўлганида кейингина у бошқа фильмларда суратга тушишга киришади.
Изоҳ (0)