25 ноябрь куни пойтахтнинг Янгиҳаёт тумани ҳудудида жойлашган юқори кучланишли ҳаво электр узатиш тармоғида қурилиш-монтаж ишларини амалга ошириш жараёнида мазкур тармоқда вақтинча узилишлар кузатилади. Бу ҳақда «Тошкент шаҳар электр тармоқлари корхонаси» матбуот хизмати хабар берди.
Маълум қилинишича, тумандаги 220 киловаттли «Сергели» подстанциясини таъминланувчи 110 киловатт бўлган юқори кучланишли ҳаво электр узатиш тармоғида қурилиш-монтаж ишлари амалга оширилади.
Таъмирлаш ишларини хавфсиз бажариш мақсадида, хусусан, қуйидаги МФЙлар, тадбиркорлик субъектлари, маиший объектлар ва аҳоли истеъмолчилари соат 11:00 дан 16:00 гача вақтинча таъминотдан ажратилади: Шокир ариқ кўчаси, 2А, 3А, 3Б, 5А,7А, 8, 9, 10 қурилиш даҳаларидаги янги уйлар, шунингдек, «Янги ҳаёт», «Орият», «Янги умид», «Ташаббус», «Ҳумо», «Янги турмуш», «Марҳамат», «Гулшанобод» ва «Олчазор» МФЙлар.
Аввалроқ Ўзбекистонда 2022 йилда электр энергияси нархи оширилиши мумкинлиги, Ўзбекистоннинг айрим ҳудудларида электр энергияси таъминотида қисқа муддатли узилишлар кузатилаётгани, Ўзбекистонда 2023 йилда биринчи юқори кучланишли рақамли подстанция ишга туширилиши тўғрисида хабар берилганди.
Изоҳ (0)