Бундан буён, кадастр ҳужжати бўлган боғ, токзор ва иссиқхоналар олди-сотди шартномаси асосида бошқа шахсга ўтказилганда янги мулкдорга ерга бўлган ижара ҳуқуқи ҳам ўтади. Бу ҳақда президент Шавкат Мирзиёев раислигида бўлиб ўтаётган видеоселектор йиғилишида хабар қилинди.
«Кадастр ҳужжати бўлган боғ, токзор ва иссиқхоналар олди-сотди асосида бошқа шахсга ўтганда унга ижара ҳуқуқи ҳам ўтади. Яна бир масала — бугунги кунда 5,5 минг гектар яроқсиз боғлар ва 2,5 минг гектар токзорлар, яна бир қанча самарасиз иссиқхоналар мавжуд. Ушбу боғ, токзор ва иссиқхоналарга тажрибаси бор тадбиркорларни жалб қилиш зарур», — деди президент.Қайд этилишича, вилоят ҳокимларига Боғдорчилик агентлиги билан бирга бир ой муддатда ердан оқилона фойдаланмаётган, кредитдан қарзи бор боғ, токзор ва иссиқхоналарни хатловдан ўтказиб, уларга кадастр ҳужжатларини тайёрлашга кўмаклашиш, тажрибали тадбиркорларни аниқлаб, лойиҳаларни бошлаш бўйича топшириқ берилди.
Изоҳ (0)