Ким Кардашьян, Хейли Бибер ва бошқа машҳурлар қайси маҳсулотларни ёқтирмайди?

Таом борасида таъби нозик шоу-бизнес вакиллари ҳақида Harper’s Bazaar нашри маълумот бериб ўтади.

Хейли Бибер

Жастин Бибернинг рафиқаси яшил салатларга ҳамиша эҳтиёткорлик билан буюртма беради ва бу ҳам етмагандек истеъмолдан аввал ликопчасини эҳтиёткорлик билан кўздан кечиради. Гап шундаки, Хейли кашничнинг ҳиди ва таъмига чидай олмайди.

Ким Кардашьян

Аччиқ таомларни ёқтирмагани сабаб Ким Кардашьян Осиёга хос егуликлар пишириладиган ошхонадан овқатланмасликка ҳаракат қилади.

Кортни Кардашьян

Кортни газланган ва ширин ичимликларни рационидан аллақачон чиқариб ташлаган.

Тайра Бенкс

Тайра Бенкс эса таъми ёқмагани учун устрицаларни емасликни афзал биладиганлардан.

Қиролича Елизавета II

Қироллик ошпази ўзгарадиган бўлса, Елизавета II биринчилардан бўлиб, саримсоқдан тийилишни таъкидлайди. Монарх хоним расмий учрашувларда ундан қандай ифор таралишига эътибор билан ёндашади.

Шон Мендес

Шон Мендеснинг ёқтирмаган маҳсулот — помидор. У ушбу маҳсулот қўшилган исталган таомни истеъмол қилмасликни афзал билади.

Женнифер Энистон

Актрисанинг рационида ҳеч қачон яхна таомларни учратмайсиз. Женниферга бу каби егуликнинг таъми ёқмайди.

Гвинет Пэлтроу

Гвинет Пэлтроу бир эмас, бир нечта маҳсулотни ёқтирмайди. Консерваланган пишлоқ, шивит, гўшт шулар жумласидан.

Келли Кларксон

Парҳез қилишига қарамай, Келлининг рационида брюссел карамини топиб бўлмайди.

Мишель Обама

Мишел Обама биринчи хонимлигида турар жойининг орқа ҳовлисида мева ва сабзавотлар етиштиришни яхши кўрган. Аммо ёқтирмагани сабаб улар орасида лавлаги бўлмаган.