Абу-Даби Эрон билан ўзаро зиддиятли муносабатларини юмшатиш бўйича қадам ташлади, деб хабар беради «Iran.ru».
БАА президентининг дипломатик маслаҳатчиси Анвар Гаргашнинг маълум қилишича, Абу-Даби Эрон билан муносабатларидаги кескинликни камайтириш мақсадида конструктив қадамларни ташлаган.
Гаргашнинг сўзларига кўра, БАА томонидан кўрилган чоралар Эрон билан ўзаро ишончни мустаҳкамлаш ва можарога йўл қўймасликка қаратилган. Унинг айтишича, Бирлашган Араб Амирликлари ва Эрон бир-бирига бўлган ишончни мустаҳкамлаши ва бундан-да барқарор вазият томон ҳаракатланиши мумкин. Шунингдек, у қўшни мамлакатлар билан ҳамкорлик қилиш Эронга яхши бўлишини таъкидлаган.
«Можаро — бу конструктив йўл эмас, аксинча, дипломатия ва ўзаро ҳаракат — олдинга энг яхши йўл. Биз барча, ҳатто амирлик уришаётган мамлакатлар билан ҳам кўприк ўрнатиш мақсадида астойдил ҳаракат қиляпмиз», — дейди у.
Аввалроқ Эрон Форс кўрфазида ҳарбий машғулотлар бошлагани тўғрисида хабар берилганди. Золфақар-1400 ўқув машғулотлари спикери адмирал Маҳмуд Мусавийнинг таъкидлашича, Уммон кўрфазидаги Эрон соҳилларида ўтказилаётган ҳарбий машғулотлар мамлакатнинг ҳарбий қудрати ва душманларга қаршилик кўрсатишга тайёрлигини намойиш қилиши керак.
Изоҳ (0)