Сунъий интеллект ва катта маълумотлар таҳлили бўйича ўқув дарслари VEON томонидан «Рақамли Ўзбекистон—2030» дастури доирасида янги таълим муассасасида ўтказилади.
VEON Ltd. (NASDAQ: VEON, Euronext Amsterdam: VEON) алоқа ва интернет хизматларини етказиб бериш бўйича дунёнинг етакчи провайдери, Ўзбекистондаги етакчи Ed-tech компанияси bilim Tech билан Astrum IT академиясини ишга туширишда расмий ҳамкори бўлиш орқали ўзаро англашув меморандумини имзолади.
Ўзбекистон ҳукумати ташаббуси билан Тошкент вилоятида янги ўқув юрти қурилди. Академия ҳар йили 2 000 та талабаларни IТ-мутахассислиги соҳасида АI дастурий таъминотини ишлаб чиқиш, катта маълумотлар таҳлили ва дастурий инжиниринг йўналишларида ўқитади. Аструм мамлакатда технологияга асосланган иқтисодий ўсишни рағбатлантиришга қаратилган «Рақамли Ўзбекистон—2030» дастурининг асосий таркибий қисмидир.
VEON’нинг етакчи IT-мутахассислари Аструмда талабаларга маъруза ўқийдилар ва улар сунъий интеллект ва катта маълумотлар соҳасидаги ҳақиқий лойиҳаларида иштирок этиш орқали илғор IT-кўникмаларини ривожлантиришлари мумкин бўлади. VEON мутахассислари раҳбарлигида талабалар уяли алоқа операторининг ҳақиқий, шахсийлаштирилмаган маълумотлари асосида IT-ечимларини ишлаб чиқадилар.
Бундан ташқари, академия талабалари Beeline Uzbekistan’да амалиёт ўташлари ва бошқа VEON операцион компанияларида ишлаш имкониятига эга бўлишлари мумкин. Аструм билан янги ҳамкорлик VEON компаниясининг Ўзбекистонда таълим соҳасини ривожлантиришга қаратилган лойиҳалардаги иштирокининг давоми ҳисобланади. Шу тариқа, Beeline мобил оператори ҳозирнинг ўзида мамлакатимиздаги умумтаълим мактабларини жиҳозлаб, қўллаб-қувватламоқда.
VEON билан ҳамкорликда Astrum IT академияси уч йиллик дастур давомида ҳар бир гуруҳда 400 нафар талабани тайёрлайди. Барча талабаларга энг янги технологиялардан фойдаланиш имконияти яратилади ва машғулотлар махсус қурилган муассасада ўтказилади. Талабалар дастурий таъминотни ишлаб чиқиш ёки катта маълумотлар таҳлили бўйича ихтисослашиштирилган йўналишни танлашлари мумкин. Энг яхши талабаларга VEON’да малака ўташ ва узоқ муддатли ишлар таклиф этилади, шу билан уларнинг 10 фоизгачаси келгуси йилларда компанияга қўшилиши кутилмоқда.
«Таълим, хусусан, рақамли таълим XXI асрда иқтисодиётни қайта кўриб чиқишнинг асосий йўлидир. Ўзбекистон мамлакатни янги иқтисодий келажак сари етаклай оладиган меҳнат кадрларини мақсад билан шакллантирмоқда. Аструм билан ўзаро манфаатли ҳамкорлик доирасида биз иқтидорли талабалар билан тажриба, билим ва шахсийлаштирилмаган маълумотларни алмашиш имкониятига эга бўламиз. Келажакда улар информатика соҳасидаги олий маълумотли мутахассислар ва экспертлар бўлиб, Ўзбекистон ва бошқа мамлакатлардаги ходимларимиз сафига қўшилади», — деди VEON маъмурияти бошлиғи Георге Ҳелд.
«Компаниямизда кучли IT-жамоа мавжуд бўлиб, бу бизга Ўзбекистон бозорида етакчи ўринлардан бирини эгаллаш имконини беради. Мутахассисларимиз тўплаган тажриба Astrum IT Аcаdemy талабалари учун фойдали бўлиши шубҳасиз. Ишончим комилки, Beeline Uzbekistan’нинг ёрдами мамлакатнинг рақамли иқтисодиётини ривожлантириши керак бўлган ёш мутахассисларнинг умумий касбий даражасига ижобий таъсир кўрсатади», — дейди Beeline Uzbekistan бош директори Анджей Малиновски.
«Ўзбекистон ҳукумати томонидан IT-компаниялар учун яратилаётган рағбатлантириш чора-тадбирлари туфайли Ўзбекистонда дастурий таъминот муҳандисларига талаб кескин ошди. Кремний водийсидаги ҳамкорларимиз билан биргаликда биз Ўзбекистонга сунъий интеллект ва peer-to-peer ёндашувига асосланган янги IТ-таълим технологиясини олиб келяпмиз, шу тариқа талабалар билим алмашадилар ва ҳақиқатда бир-бирларига ўргатадилар ва ўрганадилар. Бизнинг VEON билан ҳамкорлигимиз эса талабаларга амалий билим олишга ва SI ва Big Data соҳасида профессионал бўлишга ёрдам беради», — дейди Astrum IT Аcаdemy асосчиси Ботир Арифджанов.
VEON компаниянинг операцион компаниялари мавжуд бўлган бошқа мамлакатлардаги таълим лойиҳаларида ҳам иштирок этади. Россия ва Украинада VEON Билайн университети орқали технологик таълимни қўллаб-қувватлайди, бу ерда талабалар замонавий IT-воситаларини ўрганадилар, реал муаммоларни ҳал қиладилар ва ҳақиқий маълумотлар тўпламларидан фойдаланиш имкониятига эга бўладилар. VEON шунингдек, кўплаб мамлакатлардаги 274 000 дан ортиқ иштирокчига эга бўлган саводхонлик дастурларини қўллаб-қувватлайди.
VEON компанияси ҳақида
VEON — NASDAQ ва Euronext Amsterdam биржалар рўйхатига киритилган, алоқа хизматлари ва рақамли хизматларни етказиб берувчи глобал провайдер. Компанияларимиз дунёнинг энг тез ривожланаётган бозорларини қўллаб-қувватловчи технология хизматлари билан турмуш тарзини ўзгартирмоқда. Қўшимча маълумот учун https://www.veon.com сайтига ташриф буюринг.
Astrum IT академияси ҳақида
Astrum IT Аcаdemy peer-to-peer таълим муҳитида IT-саноатнинг ривожланаётган эҳтиёжларига мувофиқ ишлаб чиқарилган юқори сифатли ўқув дастурларини таклиф этади. IT Academy талабалари Кремний водийси стандартларига жавоб берадиган инновацион дастур бўйича ўқитилади. Лойиҳа концепцияси компьютер дастурлаш бўйича чуқур малака оширишга ихтисослашиш, бу орқали олий таълим ва АКТ ривожига, шунингдек, Ўзбекистон Республикасида бандлик даражасини оширишга ҳисса қўшишга қаратилган. Қўшимча маълумот учун www.astrum.uz сайтига ташриф буюринг.
Beeline Uzbekistan компанияси ҳақида
«Unitel» МЧЖ 2006 йил 12 сентябрдан бошлаб, Beeline Uzbekistan савдо белгиси остида хизмат кўрсатиб келмоқда. Beeline Uzbekistan бош қароргоҳи Амстердамда (Нидерландия) жойлашган VEON халқаро телекоммуникация холдинги таркибига киради. VEON 9 мамлакатда 213 миллиондан ортиқ абонентга эга глобал телекоммуникация ва интернет хизматлари провайдери. Унинг акциялари NASDAQ ва Euronext Amsterdam фонд бозорларида жойлашган. Beeline Uzbekistan’да 1,6 мингга яқин ходим ишлайди. 2006 йилдан бошлаб, VEON Ўзбекистон бозорига кириб, мамлакат телекоммуникация соҳасига 1,2 миллиард доллардан ортиқ сармоя киритди. Beeline СБ Ўзбекистондаги фаолияти давомида 1,8 миллиард доллардан ортиқ солиқ тўланган.
Батафсил маълумот учун https://beeline.uz сайтига ташриф буюринг.
Реклама ҳуқуқи асосида.
Изоҳ (0)