Дунё ва ўзбек спортига оид 10 ноябрь кунининг энг муҳим хабарлари дайжести билан танишинг.
Ўзбекистон
Суперлиганинг октябрь ойидаги энг яхшилари аниқландиЎзбекистон профессионал футбол лигаси (ПФЛ) октябрь ойининг энг яхшиларини аниқлаш учун ўтказилган сўровнома натижаларини эълон қилди.
Унга кўра, «Насаф» бош мураббийи Рўзиқул Бердиев октябрь ойининг энг яхши мураббийи деб топилди. Қарши клуби Бердиев қўл остида 3 ўйин ўтказиб, 2 ғалаба 1 дуранг қайд этди. Тўплар нисбати эса 3:1 ни ташкил қилди.
«Қизилқум» ҳужумчиси Элгужа Григалашвили эса ойнинг энг яхши футболчиси деб топилди. У ўтган ойда 3 ўйинда ўз номига 3 та гол ёздириб қўйди.
Шунингдек, унинг «Турон» дарвозасига киритган голи октябрь ойининг энг чиройли голи деб топилди.
Жаҳон
Жеррард «Вест Ҳэм»ни бошқаради, у клуб тарихидаги энг кўп маош олувчи мураббийга айланади
«Рейнжерс» бош мураббийи Стивен Жеррард яқин орада «Астон Вилла»ни бошқаради.
Birmingham Live журналисти Эшли Приснинг сўзларига кўра, келишувнинг барча тафсилотлари ҳал қилинган. 41 ёшли мутахассис тез орада ўз штабини шакллантиради.
Daily Record’нинг хабар беришича, «Астон Вилла» Жеррард учун «Рейнжерс»га товон пули сифатида 2—3 миллион фунт тўлайди. Мутахассиснинг ўзи эса «Астон Вилла» тарихидаги энг кўп маош оладиган мураббийга айланади.
Фатининг жароҳати жиддий бўлиб чиқмади
«Барселона» вингери Ансу Фатининг жароҳати кутилганидек жиддий бўлиб чиқмади.
Аввалроқ 19 ёшли ярим ҳимоячи «Сельта»га қарши ўйинда (3:3) олган жароҳати туфайли камида бир ойга сафдан чиққани ҳақида хабар берилганди.
Бироқ Mundo Deportivo Фатига жароҳатдан фориғ бўлиш учун уч ҳафтадан камроқ вақт керак бўлишини маълум қилди.
Қайд этиш керак, бунгача жароҳати туфайли деярли бир йил давомида майдонга туша олмаган Фати шу йилнинг сентябрь ойида сафга қайтганди.
Конте «Тоттенҳэм» футболчиларига кетчуп ва майонез истеъмол қилишни тақиқлади
«Тоттенем»нинг янги бош мураббийи Антонио Конте жамоада бир қанча янгиликларни жорий қилди.
Мутахассис биринчи машғулотдаёқ жамоадаги баъзи ўйинчиларга уларда ортиқча вазн борлигини очиқчасига айтган. Конте мажбурий жамоавий тушликни жорий қилган. Жамоа менюсидан ҳазм бўлиши қийин бўлган таомлар ва сендвичлар олиб ташланган, шунингдек, мураббий футболчиларга кетчуп ва майонезни ҳам тақиқлади.
Шу билан бирга, Конте футболчиларни кўпроқ мева истеъмол қилишга чақирган.
Аввалроқ «Барселона»нинг янги бош мураббийи Хави жамоада янги қоидаларни жорий қилгани ҳақида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)