Сербиянинг Белград шаҳрида 25 октябрдан 6 ноябрга қадар бокс бўйича катталар ўртасида Жаҳон чемпионати ўтказилди.
Мусобақада 13 хил вазн тоифасида жанглар ўтказилди. Ўзбекистон делегацияси барча вазн тоифасида ўз вакиллари билан иштирок этди: Нодиржон Мирзаҳмедов, Ҳасанбой Дўстматов, Шаҳобиддин Зоиров, Миразизбек Мирзахалилов, Шаҳрам Ғиёсов, Абдумалик Ҳалоков, Мужибулло Турсунов, Асадхўжа Мўйдинхўжаев, Саиджамшид Жаъфаров, Одилжон Аслонов, Шоҳжаҳон Абдуллаев, Мадиёр Саидраҳимов, Лазизбек Муллажонов.
Якунда жамоа битта кумуш ва битта бронза медали билан чекланди. Абдумалик Ҳалоков (-60 кг) финалга қадар етиб борган бўлса, Мадиёр Саидраҳимов (-92 кг) ярим финалда ўз юришини тўхтатди.
Турнир якунига кўра Куба терма жамоаси 3 та олтин ва 2 та бронза билан умумжамоа ҳисобида биринчи ўринни қўлга киритди. Кучли учликдан Қозоғистон ва АҚШ терма жамоаси жой олди. Ўзбекистон умумжамоа рейтингида 10—13-поғонани эгаллади.
ЖЧ—2021 умумий рейтинги билан танишинг:
1. Куба (3 олтин, 2 бронза)
2. Қозоғистон (2 олтин, 2 кумуш, 1 бронза)
3. АҚШ (2 олтин, 2 кумуш)
4. Япония (2 олтин)
5. Россия (1 олтин, 2 кумуш, 2 бронза)
6-7. Озарбайжон (1 олтин, 2 бронза)
6-7. Франция (1 олтин, 2 бронза)
8. Украина (1 олтин)
9. Таиланд (1 кумуш, 2 бронза)
10-13. Арманистон (1 кумуш, 1 бронза)
10-13. Беларусь (1 кумуш, 1 бронза)
10-13. Италия (1 кумуш, 1 бронза)
10-13. Ўзбекистон (1 кумуш, 1 бронза).
Эслатиб ўтамиз, 2023 йилги Жаҳон чемпионатига Ўзбекистон мезбонлик қилади.
Изоҳ (0)