«Рома» ҳужумчиси Элдор Шомуродов А Серия 12-тури доирасида «Венеция»га қарши кечган учрашувда (2:3) майдонга тушиб, биттадан гол ва голли узатма муаллифига айланди.
WhoScored портали ўзбекистонлик футболчининг бу ўйиндаги ҳаракатларини 8,4 баллга баҳолаган. Бу учрашувдаги энг яхши натижа. Элдор майдонда 83 дақиқа ҳаракат қилди.
Шомуродов учрашув давомида 29 марта тўпга тегинди. Дарвоза томон 2 та зарба берди — 1 та аниқ ва 1 та ноаниқ. Унинг 20 узатмасидан 13 таси (65%) аниқ чиқди. Элдор майдонда 7 марта яккакурашга киришиб, уларнинг иккитасида муваффақият қозонди. Ҳаводаги курашда 3 уринишнинг биттасида ютиб чиқди.
Шу тариқа Элдор Шомуродов А Сериянинг ҳафта рамзий терма жамоасига киритилди:
Дарвозабон: Серхи Ромеро («Венеция»);
Ҳимоячилар: Жованни ди Лоренцо («Наполи»), Маттиа Калдара («Венеция»), Маттиа Вити («Эмполи»), Ридгесиано Ҳапс («Венеция»);
Ярим ҳимоячилар: Фелипе Андерсон («Лацио»), Маттиас Сванберг («Болонья»), Луис Альберто («Лацио»), Педро («Лацио»);
Ҳужумчилар: Элдор Шомуродов («Рома»), Дуван Сапата («Аталанта»).
«Венеция» дарвозасига урилган гол Элдор Шомуродов учун «Рома» сафида А Сериядаги дебют гол бўлди. 2021/22 йилги мавсумда Шомуродов римликларнинг 16 ўйинида майдонга тушиб, 2 та гол урди ва бешта голли узатма амалга оширди.
Изоҳ (0)