«Толибон» етакчиси Ҳайбатулла Оҳунзода 15 августдан буён биринчи марта мамлакатнинг 34 та вилоятини 17 тасига раҳбарлар тайинлади, деб хабар беради «Интерфакс».
«Толибон» расмий вакилининг ўринбосари Билол Каримийнинг маълум қилишича, «Толибон» муваққат ҳукумати раҳбари Бадаҳшон, Пактия, Қундуз, Бағлон, Лувгар, Пактика, Бомиён, Ўрузғон, Фараҳ, Сарипул, Жузжон, Фарёб, Майдон Вардак, Зобул, Нимрўз, Ғазни вилоятларига ҳокимлар тайинлаган.
Каримий Twitter’даги саҳифасига ёзишича, шунингдек, қарор билан айрим вилоятларнинг ҳокимларига ўринбосарлар ва полиция бошлиқлари ҳам тайинланган.
Эслатиб ўтамиз, 7 сентябрь куни «Толибон» ҳаракати Афғонистон ҳукуматининг янги таркибини эълон қилди. Мужоҳид Вазирлар Маҳкамасининг аъзолари рўйхатини оммага тақдим қилган, унинг ўзи ҳукуматда маданият ва ахборот вазири лавозимини эгаллади.
Қайд этилишича, Муҳаммад Ҳасан Оҳунд «Толибон» тузган янги ҳукуматнинг раҳбари бўлади. Оҳунд «Толибон» етакчиларининг раҳбари ҳисобланарди ва аввалги АҚШ ҳомийлигидаги ҳукумат қўшинига қарши урушда гуруҳни бошқарган. Қандаҳорлик етакчи «Толибон» асосчиларидан бири ҳисобланади.
Аввалроқ АҚШ Афғонистонга 144 млн долларлик гуманитар ёрдам юбориши, Россия Афғонистон Миллий қаршилик фронтини афғонлараро низо қўзғатмасликка чақиргани, Ашхобод Афғонистон ҳукумат делегациясини Туркманистонга ташриф буюришга таклиф қилгани тўғрисида хабар берилганди.
Изоҳ (0)