Чеченистон раҳбари Рамзан Қодировнинг ўғли Эли Қодиров «Афсоналар вақти» мусобақаси доирасида ҳаваскор бокс қоидалари бўйича кўргазмали жанг ўтказди.
Беллашувнинг учинчи раундида ҳакам Қодиров ва унинг рақиби Хетаг Хаткаров ўртасидаги жангни тўхтатиб, ғалабани Чеченистон раҳбарининг ўғлига топширди. Эли Қодировга эса чемпионлик камари топширилди. Ҳаваскор боксда аслида спортчиларга камар берилмайди. Шунингдек, ринг-анонсер Қодировни Муҳаммад Али деб атади.
Эслатиб ўтамиз, апрель ойида Рамзан Қодировнинг бошқа бир ўғли Адам Қодировнинг жанги кўплаб мунозараларга сабаб бўлганди. Ўшанда Адам жангнинг иккинчи раундида бир қатор зарбалар ўтказиб юборади, ўзининг зарбалари рақибга тегмаган бўлса-да, ҳакам нокдаун қайд этиб, саноқни бошлайди. Бу вақтда рақиб боксчининг мураббийлари рингга сочиқ улоқтиради ва жанг тўхтатилиб, Қодировнинг ғалабаси қайд этилади.
Изоҳ (0)