900 миллион доллар даромад келтирган «Калмар ўйини» фильми Netflix тарихидаги энг машҳур лойиҳа ҳисобланади. Хван Дон-Хёкнинг режиссёрлигидаги мазкур лойиҳани 17 кун ичида 111 миллион обуначиси томоша қилган. Аммо экран юзини кўрганидан буён дунёнинг 90 давлатида энг машҳур лойиҳалар рўйхатига етакчилик қилганига қарамай, ушбу сериал ҳам камчиликлардан ҳоли эмас.
Икки иштирокчида бир рақам
Биринчи ўйинда ҳар бирига тартиб рақами берилган 456 нафар иштирокчи қатнашади. Бош қаҳрамонларнинг рақамлари сериал давомида чиндан ҳам ўзгармайди, аммо диққат билан кузатилса иккинчи даражали қаҳрамонларга унчалик эътибор берилмаганига гувоҳ бўлиш мумкин.
Дастлаб 061 рақами аёл иштирокчига тегишли бўлган. Аммо суратда ўйиндан чиқиб кетаётган эркак иштирокчида ҳам айнан шу рақам эканини кўриш мумкин.
Кўрсатилган илк маълумотдан хулоса қилинса, иштирокчилардан бирининг ёши юздан катта бўлиши керак
Бешинчи ўйинда иштирокчилар шиша кўприкни кесиб ўтиши керак бўлган. 17 рақамли ўйинчи одам вазнини кўтара олмайдиган шишаларни бошқасидан ажрата олган. Бошловчи ўйинчининг маълумотларини текширганда, унинг шиша заводида ишлагани маълум бўлган. Reddit фойдаланувчиларидан бири ушбу саҳнада янглишиш борлигини пайқаган.
Экрандаги маълумотда ўйинчининг 1897 йилда туғилгани ёзилган. Бундай бўлса, иштирокчи ўйин вақти 124 ёшда бўлиши керак. Аммо кейинчалик Netflix бу хатога эътибор берган чоғи, 1987 га ўзгартириб қўйган.
Девордаги соябон турли шаклда
Иккинчи ўйиннинг бошланишидан аввал иштирокчилар шакллар: думалоқ, учбурчак, юлдуз ва соябондан бирини танлаши керак бўлади. Сўнгра улардан танланган шаклни далгона карамелдан ажратиб олиши сўралган.
Девордаги шундай шакллардан бири — соябон турли кўринган. Юқоридаги фото бунинг исботи.
Саҳналардан бирида Сон Ки Хун исмли қаҳрамон ўзини овқатланаётгандек тутган
3-қисмда Ки Хун овқатни совиб қолганидан шикоят қилади. Айнан шу саҳнага яхшилаб эътибор берилса, унинг бўш қошиқни оғзига олиб бораётганини кўриш мумкин.
Турли телефон
Сўнгги қисмда Ки Хун метрода қизи билан Samsung S7 телефони орқали гаплашади. Аэропортда ўтирганида эса қўлида Samsung S3 русумли телефонни кўриш мумкин.
Хван Чун Хонинг телефон қуввати сериал давомида тугамайди
Полиция ходимига қарашли телефон кўплаб мем ва ҳазилларга сабаб бўлган. Гап шундаки, оддий смартфонларнинг автоном ишлаш вақти сериалдагидан анча фарқ қилади. Ҳафтада давомида кўрганларини кадрга муҳрлаш ва қайд қилиш учун Чун Хонинг қўлидан телефон тушмайди. Телефонининг қуввати сериал охиригача етади, лекин шу билан бирга қаҳрамон уни қандай ва қачон қувватлагани томошабинларга кўрсатилмайди.
Ташриф қоғозларидаги телефон рақами ҳақиқий
Пул топишга иштиёқманд кишиларга ташкилотчилар билан телефон орқали боғланиш мумкинлиги айтилади. Маълум бўлишича, ташриф қоғозида кўрсатилган рақам ҳақиқий ва у Жанубий Кореяда истиқомат қиладиган аёлга тегишли. Сериал экран юзини кўрганидан кейин ушбу рақамга кўплаб қўнғироқ бўлган ва хабарлар ёзилган. Netflix вакиллари ушбу англашилмовчиликни бартараф қилиб, рақамни ўзгартиришини билдирган.
Кан Се Бёк Шимолий корейсча талаффуз қилади
Корейс тилини билмайдиган томошабинлар буни пайқамаслиги табиий. Reddit фойдаланувчиларидан бирининг маълум қилишича, Се Бёкнинг талаффузи туғилган юрти Шимолий Кореяга тортади. Унинг қўшимча қилишича, Се Бёк дискриминация бўлмаслиги учун бошқа ўйинчилар билан Жанубий Кореяликлардек гаплашади. Шимолий корейсча талаффузи фақат укаси ва воситачилар билан гаплашганидагина сезилади.
Олтита ўйиннинг ҳаммаси ўйинчилар хонасидаги деворда тасвирланган
Ўйинчилар уларни қандай ўйин кутаётганини тахмин қилиб, жавоб бурниларинг остида эканини хаёлига ҳам келтирмаган. Аслида девордаги ўйинларнинг тасвири бошиданоқ, каравотлар билан яширилган.
Ўйинчилар камайгани сайин, ушбу сурат яққолроқ кўрина бошлаган.
Изоҳ (0)