Ўзбекистонда 29 октябрдан 1 ноябргача 3 та йўл-транспорт ҳодисаси оқибатида 4 нафар шахс вафот этди. Қуйида ушбу ЙТҲларнинг тафсилотини тақдим этамиз.
Қашқадарё вилояти
2021 йил 29 октябрь куни Бухоро вилояти Шофиркон туманида яшовчи Й.Ш. бошқарувида бўлган Lacetti автомашинасида Муборак туманига етиб келган.
Шу куни соат 06:45 ларда Муборак тумани ҳудудидан ўтувчи Ғузор–Нукус–Бейнау автомобиль йўлида Қарши–Бухоро йўналиши бўйлаб ҳаракатланиб бориб, йўлнинг 150-километрига келганда бошқарувни йўқотган.
Оқибатда йўлнинг ҳаракат қисмини иккига ажратиб турувчи бетон тўсиққа урилиб, ЙТҲ содир этган ва ҳайдовчи воқеа жойида вафот этган.
Тошкент шаҳри
31 октябрь куни соат 18:30 ларда Юнусобод туманидаги КҲАЙ кўчаси бўйлаб ҳаракатланиб келаётган Spark ҳайдовчиси 26 ёшли Ҳ.Ҳ. тартибга солинмаган пиёдалар йўлагидан ўтаётган 65 ёшли Т.У.ни уриб юборди.
Йўл-транспорт ҳодисаси натижасида Т.У. олган тан жароҳатлари сабабли касалхонага олиб кетилаётган вақтда вафот этган.
Мазкур ҳолат юзасидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Қорақалпоғистон Республикаси
2021 йилнинг 1 ноябрь куни соат 18:00 ларда Қорақалпоғистон Республикаси, Амударё тумани ҳудудидан ўтувчи 4-Р181 Қипчоқ–Манғит–Туркманистон автомобиль йўлининг 12–13-километрлари оралиғида ҳайдовчи, 1968 йилда туғилган У.Й. Лифан русумли юк ташувчи мотоциклда ҳаракатланаётиб, кескин ортга бурилиши натижасида орқасидан ҳаракатланиб келаётган ҳайдовчи, 1956 йилда туғилган К.Б. бошқарувидаги Nexia билан тўқнашган.
Бунинг оқибатида Nexia қарама–қарши йўналишга чиқиб кетиб, ҳайдовчи, 1963 йилда туғилган Ф.М. бошқарувидаги Isuzu юк автомобили билан тўқнашган.
Тўқнашувлар оқибатида Nexia автомобили йўловчиси 1960 йилда туғилган А.Р. оғир тан жароҳатлари олиб воқеа жойида ва унинг 2017 йилда туғилган набираси Б.Р. шифохонада вафот этган.
Nexia ҳайдовчиси К.Б. ва яна икки нафар йўловчи оғир тан жароҳатлари билан шифохонага ётқизилган.
Мазкур ЙТҲ юзасидан Амударё тумани ИИБ ТБ томонидан терговга қадар суриштирув ишлари олиб борилмоқда.
Изоҳ (0)