Тошкентда 26 октябрь куни 01 О 001 ОQ автомобиль рақами онлайн аукцион орқали 498 миллион 150 минг сўмга сотилди, деб хабар беради UzNews.

Автомобиль рақамларининг онлайн аукциони ўтказиладиган «Avtoraqam.uzex.uz» сайтининг маълумотларига кўра, мазкур давлат рақамининг нархи 243 миллион сўмдан бошланган.

Эслатиб ўтамиз, 2021 йилнинг февраль ойида 30 З 777 ЗЗ давлат рақами онлайн аукцион орқали 596 миллион 525 мингга сотилган. Апрелда эса Тошкент шаҳрига тегишли бўлган рақам аукционда 441,5 миллион сўмга сотилгани тўғрисида хабар берилганди. Ўшанда ушбу рақам таркибида 777 сони борлиги, бироқ қолган сон ва белгилари ошкор қилинмаган эди.

Маълумот учун, авторақамларни онлайн-аукционларда сотилишидан келиб тушган маблағларнинг 80 фоизи давлат бюджетига, 20 фоизи Ички ишлар вазирлигининг моддий-техник базасини ривожлантириш, ходимларини моддий рағбатлантириш ва бошқа харажатлар махсус жамғармасига йўналтирилади.