Футбол бўйича Испания Ла Лигасининг 11-туридан ўрин олган ўйинда «Барселона» 27 октябрь куни «Райо Вальекано» майдонига сафар қилди.
Учрашув тақдирини ҳал қилиб берган ягона гол 30-дақиқада Радамель Фалькао томонидан киритилди. Шундан сўнг жамоалар ҳар қанча уринмасин дарвозалар бошқа ишғол этилмади. 71-дақиқада Мемфис Депай ҳисобни тенглаштириши ҳам мумкин эди, бироқ нидерландиялик ҳужумчи 11 метрлик жарима зарбасини голга айлантира олмади.
Шу тариқа Рональд Куман бошчилигидаги «Барселона» навбатдаги ўйинда мағлубият аламини татиб кўришга мажбур бўлди. Жамоа Ла Лига доирасидаги охирги 4 ўйиннинг 3 тасида ютқазди.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
Ла Лига
11-тур баҳслари
27 октябрь, чоршанба
«Райо Вальекано» – «Барселона» 1:0
Гол: 1:0 – 30 Фалкао.«Райо Вальекано» – Димитриевски, Балиу, Савелич, Катена, Фран Гарсия, Гарсия, Комесаня (Унаи Лопес, 63), Оскар Валентин (Суарес, 90), Трехо (Сисс, 76), Фалкао (Нтека, 76), Паласон.
«Барселона» – тер Стеген, Сержи Роберто (Демир, 60), Пике, Эрик Гарсия, Альба, Бускетс, Коутиньо (Гави, 74), Нико Гонсалес (де Йонг, 84), Дест, Агуэро, Депай.
Огоҳлантиришлар: Трехо (24), Коутиньо (52), Пике (66), Савелич (83).
Изоҳ (0)