Шавкат Мирзиёев Тошкент шаҳри сайловчилари билан учрашувда талабаларга ойлик интернет трафик ажратилишини маълум қилди. Бу ҳақда «Дарё» мухбири хабар қилди.
«Миллий университет ва Техника университетини жаҳоннинг нуфузли рейтингларига кириши бўйича алоҳида дастур қабул қилинади.
Шунингдек, келгуси беш йилда зарур бўладиган янги касблар бўйича нуфузли хорижий университетлар билан бирга камида 10 та янги олийгоҳ ташкил этилиб, амалда ишлаб турганлари билан, уларнинг жами сони 31 тага етади.
Шунингдек, магистратурада таълим олиш учун Тошкент шаҳридаги хорижий ва нодавлат олийгоҳларга — 200 та ҳамда хотин-қизлар учун давлат олийгоҳларига 500 та давлат гранти берилади.
Шунингдек, ҳар бир талабага ойига 5 гигабайт бепул интернет берилади», — дейди давлат раҳбари.
Президент, шунингдек, «Заковат» клубининг биноси қаерда қурилишини маълум қилди.
«Ёшларнинг янги ташаббусларини қўллаб-қувватлаш мақсадида ‘Янги Ўзбекистон’ боғи атрофида ‘Заковат’ клубининг биносини ҳамда ‘Интеллектуал ўйинлар шаҳарчасиъни барпо этамиз», — дейди Шавкат Мирзиёев.
Изоҳ (0)