Қайд этилишича, боғча бош ошпази пиширилган 4,7 килограмм гўштни кирхонага бекитган. Шундан сўнг кирхона деразасидан гўштни хўжалик мудирасига берган. Хўжалик мудираси эса маҳсулотни боғчадан олиб чиқиб кетаётганда тарбиячилар Н.Н. ва М.У. томонидан тўхтатиб қолинган.
Ушбу ҳолат бўйича ошпаз ва хўжалик мудираси билан суҳбат ўтказилганда бу ишни боғча директори Ш.У.нинг топшириғи билан қилганини айтган. Шунингдек, улар айтган гаплари ҳақиқат бўлиб, аудио-видеолардаги ёзувлар тўғри эканини ёзма баёнотда ҳам тасдиқлаган.
Маълум қилинишича, воқеадан сўнг бош ошпаз Ў.А. ва хўжалик мудираси М.Э. билан тузилган меҳнат шартномаси бекор қилинган. Шу билан бирга, мазкур ҳолат юзасидан ҳуқуқни муҳофаза қилувчи ташкилотлар томонидан қонун доирасида тегишли чоралар кўрилиши маълум қилинган.
Изоҳ (0)