Қиймадан тайёрланадиган 4 хил мазали егулик рецепти

Оилавий ҳамда байрам дастурхонини безаш мумкин бўлган қиймали таомлар рецепти билан танишиб чиқинг.

Қийма ва тухумли рулет

Ушбу таом нафақат мазаси, балки кўриниши билан ҳам дастурхонга кўрк бағишлайди.

Керакли маҳсулотлар:

• қийма – 500 грамм;
• сабзи – 1 дона;
• пиёз – 2 дона;
• қат-қат хамир – 500 грамм;
• қайнатилган тухум – 4 дона;
• тухум – 1 дона;
• помидор шарбати – 3 ош қошиқ;
• кунжут, туз ва зираворлар.

1. Сабзи ва пиёз, тозаланиб, майда тўғралади. Қиздирилган ёғда қийма ҳам қўшиб қовурилади ҳамда туз ва зираворлар қўшилади.
2. Олов ўчирилгач помидор шарбати қўшилади.
3. Қолипга пергамент қоғози жойлаштирилиб, қат-қат хамир қўйилади. Устидан қиймали масса ҳамда қайнатилган тухум қўйилади.
4. Сўнгра хамирнинг икки чети қайрилиб, рулет шаклида айлантирилади. Устидан тухум сариғи суртилиб, кунжут сепилади.
5. 200 даража печда 25 дақиқа давомида пиширилади.

Диетологларнинг тавсия қилишича, ҳар куни қовоқчали таом тановул қилиш керак. Чунки ушбу маҳсулот кам калорияли бўлиб, тез ҳазм бўлади. Шунингдек, уни ҳар қандай фаслда ҳам топиш мумкин.

Керакли маҳсулотлар:

• қовоқча 4 – дона;
• товуқ ёки курка гўшти қиймаси – 200 грамм;
• пиёз – 1 дона;
• помидор – 1 дона;
• саримсоқ – 1 дона;
• ўсимлик ёғи – 1 ош қошиқ;
• майонез ёки сметана – 50 грамм;
• пишлоқ – 50 грамм;
• булгур ёрмаси – 50 грамм;
• туз ва зираворлар.

1. Булгур ёрмаси қадоқдаги кўрсатмага кўра пишириб олинади.
2. Пиёз ва саримсоқ тозаланиб, майда тўғралади. Товада қийма билан бирга қовурилади. Туз ва зираворлар қўшилади.
3. Помидор пўсти тозаланади. Қиймали аралашма устидан помидор ва булғори қалампири қўшиб, яна бироз қовурилади.
4. Сўнгра аралашма оловдан олиниб, булгур ёрмаси билан аралаштирилади.
5. Қовоқчалар узунасига иккига бўлинади. Ичи бироз ўйилиб, кемачага ўхшаш шакл ҳосил қилинади.
6. Қовоқчалар ичи начинка билан тўлдирилиб, устидан қирғичдан ўтказилган пишлоқ сепилади ва майонез қуйилади.
7. Қовоқчалар 180 даража печда, 30 дақиқа давомида пиширилади.
8. Начинка учун уйда мавжуд ҳар қандай сабзавотдан фойдаланиш мумкин.

Дангаса оладеларга турли хил сабзавотлар қўшиш мумкин.

Керакли маҳсулотлар:

• товуқ гўшти қиймаси – 800 грамм;
• тухум – 2 дона;
• ун – 2 ош қошиқ;
• пиёз – 2 дона;
• ўсимлик ёғи, кўкат, туз ва зираворлар.

1. Қийма ва тўғралган пиёз яхшилаб аралаштирилади. Массага ун, туз ва зиравор ҳамда кўкатлар қўшилади. Силлиқ бўлгунга қадар яхшилаб аралаштирилади ва тухум қўшилади.
2. Қиздирилган ёғда аралашма бироздан солиниб, ҳар икки томони қизаргунча қовурилади.

Беларусь ошхонасига тегишли бўлган ушбу таом мазаси чиндан ҳам барчага манзур келади.

Керакли маҳсулотлар:

1. қийма – 500 грамм;
2. пиёз – 3 дона;
3. сабзи – 3 дона;
4. картошка – 2 дона;
5. тухум – 3 дона.

1. Қийма, пиёз ва туз яхшилаб аралаштирилади. Аралашмадан котлетчалар ҳосил қилинади.
2. Иккинчи қатламга сабзи пиёз қовурилади. Бу ҳам котлет устидан жойлаштирилади.
3. Қайнатилган тухум ва картошка майдаланиб, учинчи қатламга қўйилади.
4. Устидан майонез қуйиб, 200 даражага печга 40 дақиқага қўйилади.
5. Тайёр бўлгач, егуликлар устига қирғичдан ўтказилган пишлоқ сепилади.