Байрам ва қувонарли ҳодисалар муносабати билан ёзилган дастурхонларни ширинликларсиз тасаввур қилиб бўлмайди. Айнан шу сабаб ҳам кишилар яқинлари, айниқса, болажонлар учун алоҳида мазасидан ташқари кўриниши билан ҳам ўзига жалб қиладиган тортларга буюртма беришни афзал билади. Instagram саҳифасида 2,6 миллиондан ортиқ кузатувчиси бор бўлган Ренат Агзамов эса нафақат болалар, балки катталарни ҳам ўзига мафтун қиладиган тортлар тайёрлайди ва бунинг учун мультфильмлар, улардаги қаҳрамонлардан илҳомланади.
«Музюрак» қаҳрамонлари
Пазандаликнинг санъат асари даражасидаги мазкур тортда қорбола ва ғаройиб буғу Свенни кўриш мумкин. Оқ-мовий ранглардан фойдаланилгани дарҳақиқат севимли мультфильмни эсга солади. Таъми кўринишидан қолишмаган ширинликнинг қанча туришига қизиққан фойдаланувчилар нархи ҳақида хабар топгандан кейин ҳайратини яшира олмаган.
«Крудслар оиласи»
Туғилган кун эгасининг 10 ёшга тўлиши муносабати билан тайёрланган тортга назар ташлаш биланоқ машҳур «Крудслар оиласи» мультфильмидаги қаҳрамонларни таниш мумкин. Ўйланган композицияга кўра қаҳрамонларнинг қўлида ўз сурати тургани эътиборни тортади. Ижтимоий тармоққа ушбу торт сурати жойланганидан кейин кўплаб фойдаланувчилар унинг нақадар маҳорат билан ясатилганини эътироф этмай қолмаган.
«Ялмоғиз кампир»
Ялмоғиз кампирнинг уйи ушбу мультфильмдаги асосий ўзига хослик саналади. Қаҳрамонлар композицияси борасида эса қандолатчининг бироз ижодкорона ёндашишига тўғри келган. Торт тўй маросимига тайёрлангани учун ялмоғиз кампирнинг ўрнида келин борлигини, унинг қурбони сифатида эса куёв тасвирланганини кўриш мумкин.
«Сеними, шошмай тур!»
Тортга назар ташлаб энг қизиқарли мультфильмлардан ҳисобланган «Сеними, шошмай тур» қаҳрамонларини қанчалик аниқ ва гўзал тасвирланганига амин бўлиш мумкин. Ижтимоий тармоқлардаги фойдаланувчилар алоҳида кун учун айнан шундай қандолатчилик намунасини кўришини изоҳ қилиб ёзиб қолдирган.
Рапунсел, Золушка ва бошқалар
Ушбу ижод намунасида Рапунсел, Золушка, Анна ва Элза сингари маликалар, пари ва «Музюрак»даги бошқа қаҳрамонларни кўриш мумкин. Ушбу ширинлик рус телебошловчиси Ксения Бородинанинг қизи учун махсус тайёрланган. Қуйидаги турли мультфильмлардан илҳомланиб пиширилган ажойиб кўринишга эга бошқа тортлар ҳам кишини ўзига мафтун қилмай қолмайди.
Изоҳ (0)