Тошкент шаҳрида Lacetti ва Nexia иштирокида йўл-транспорт ҳодисаси содир бўлди, дея хабар бермоқда ЙҲХББ матбуот хизмати.
Маълум қилинишича, 2021 йилнинг 13 октябрь куни соат 22:30 ларда Тошкент шаҳар, Шайхонтоҳур тумани, Нурафшон—Себзор кўчалари кесишган чорраҳада ҳайдовчи, 1989 йилда туғилган Ш.М. бошқарувидаги Lacetti ҳамда ҳайдовчи, 1991 йилда туғилган Д.Қ. бошқарувидаги Nexia русумли автомобиль иштирокида тўқнашув содир бўлган.
Тўқнашув оқибатида Nexia автомобилида ёнғин юзага келган.
Ёнғин бартараф этилган. Тўқнашув ва ёнғин оқибатида тан жароҳати олган фуқаролар йўқ. Транспорт воситаларига зарар етган.
Мазкур ҳодиса юзасидан Шайхонтоҳур тумани ИИО ФМБ ЙҲХБ томонидан суриштирув ишлари олиб борилмоқда.
Изоҳ (0)