Ўзбекистон атлетлари бодибилдинг бўйича ЖЧда олинган олтин медаллар ҳисобида рекордни қўлга киритишди

4—6 октябрь кунлари Тошкентда, Ўзбекистон тарихида илк бора бодибилдинг ва жисмоний спорт турлари бўйича Жаҳон чемпионати бўлиб ўтди ва унинг якунларига кўра, ўзбек спортчилари 10 та олтин медалнинг соҳиби бўлдилар.

Осиё Олимпия кенгашининг вице-президенти Отабек Умаров ушбу тадбирга қуйидагича изоҳ берди: «Тошкентда бўлиб ўтган бодибилдинг бўйича Жаҳон чемпионати шунчаки турнир эмас, ҳақиқий спорт байрамига айлана олди. Бу фақат менинг шахсий хулосам эмас, балки атлетлар, делегатлар ва мусобақа меҳмонларининг умумий фикридир. WBPF раҳбариятининг айтишича, ҳеч қайси биринчилик Тошкентдагидек каби кенг кўламга эга бўлмаган, Ўзбекистон эса Humo Arena каби улкан иншоотни тақдим қилган ҳолда, ташкилий жиҳатдан энг юқори савияни кўп йиллар учун аввалдан намоён этди. Спортчиларимиз ҳам алоҳида таҳсинга лойиқ. Улар тарихда илк бора эркаклар ўртасида ҳам, аёллар ўртасида ҳам умумжамоа ҳисобида иккинчи ўринни эгаллаб, ўнта олтин медални қўлга киритдилар. Ушбу ўн нафар чемпионнинг тимсоли жуда кўпларни спорт билан профессионал шуғулланишга бўлмаса ҳам, камида соғлом турмуш тарзига илҳомлантирганига ишончим комил».

Ўзбекистон Республикасининг вакиллари қаторидан олтин медал соҳиби бўлган спортчилар

• Модель-физик (аёллар), 21 ёшгача юниорлар учун — Эвелина Юсупова;
• Модель-физик (аёллар), очиқ тоифа — Елена Бекирова;
• Бодибилдинг (эркаклар) 75 килограмгача — Жаҳонгир Жўраев, 85 килограмгача — Фарҳод Бахриев, 100 килограмдан ортиқ — Виталий Скрипачев;
• Модель-физик (аёллар) 155 сантиметргача — Эвелина Юсупова, 160 сантиметргача — Милена Прудцких;
• Спорт-физик (эркаклар) 170 сантиметргача — Хаит Ҳасанов, 180 сантиметргача — Шуҳрат Абдалиев, 180 сантиметргача — Аброрбек Иминжонов.

Чемпионатнинг уч куни натижаларига кўра, Ўзбекистон тарихида илк бора умумжамоа ҳисобида иккинчи ўринга чиқди.

Эркаклар умумжамоа ҳисобида етакчилар

• Ҳиндистон — 585 очко;
• Ўзбекистон — 440 очко;
• Эрон — 330 очко.

• Венгрия — 515 очко;
• Ўзбекистон — 425 очко;
• Монголия — 240 очко.

Тадбир якунида WBPF президенти Датук Пол Чуа, WBPF бош котиби Четан Патаре, ижрочи директори Кристина Кам, UZFBF федерациясининг президенти Одил Абдураҳмонов ҳамда UZFBF вице-президенти Тимур Собиров барча иштирокчиларни муносиб чиқиш билан табриклаб, турнирнинг барча ташкилотчиларига, ҳамкор ва ҳомийларига ҳамда 7SABER спорт кийим брендига миннатдорлик билдирдилар.

Реклама ҳуқуқи асосида.