Тошкент вилояти Ангрен шаҳрида жойлашган кўп қаватли уйлардан бирининг том қисмида ёнғин содир бўлди, деб хабар беради ФВВ матбуот хизмати.
Маълум қилинишича, 28 сентябрь куни соат 12:42 да вилоят Фавқулодда вазиятлар бошқармасига Ангрен шаҳар 4-даҳада жойлашган тўрт қаватли 11-уйнинг том қисмида ёнғин содир бўлаётгани тўғрисида хабар келиб тушган.
Хабарга кўра, 7 та ёнғин-қутқарув экипажи, 1 та автонарвон техникаси соат 12:48 да воқеа жойига етиб борган ва ёнғин соат 13:30 да бартараф этилган. Ёнғин оқибатида уйнинг тахминан 200-250 квадрат метр майдондаги том қисми ёниб зарарланган.
Ҳодиса оқибатида ҳалок бўлган ва жабрланганлар йўқ. Ҳозирда ёнғин сабаби ва зарар миқдори аниқланмоқда.
Аввалроқ Фарғонадаги пахта қабул қилиш пунктида ёнғин содир бўлгани, Тошкент вилоятида бир-бирига қўшни икки уйда ёнғин чиққани, Тошкентдаги «Миллий таомлар» ошхонасига мўлжалланган бинода ёнғин чиққани тўғрисида хабарлар берилганди.
Изоҳ (0)