АОКАда «Ўзбекистон темир йўллари» АЖ бошқарма бошлиғи Раҳимжон Саидов иштирокида брифинг ўтказилди. Унда темир йўллар ўтган ҳудуд атрофида яшайдиган аҳоли учун ўтказилаётган хавфсизлик чора-тадбирлари юзасидан маълумот берилди.
Қайд этилишича, бугунги кунда Тошкент—Самарқанд—Бухоро ва Тошкент—Самарқанд—Қарши—Китоб темир йўл йўналишларида жами 253 дона қўриқлаш пости мавжуд.
Поездлар ҳаракат хавфсизлиги ва фуқароларнинг ҳаётига хавф солиши мумкин бўлган омилларнинг олдини олиш ва назорат қилиш мақсадида 24 соатлик қўриқлаш хизмати ташкил этилган.
Маълум қилинишича, 2021 йилнинг 8 ойи мобайнида 565 нафар фуқаро темир йўл қоидаларига риоя этмагани учун 16 миллион 871 минг 275 сўмлик маъмурий жавобгарликка тортилган.
Изоҳ (0)