Самарқанд халқаро аэропортида 22 ёшли қиз Туркияга алдов йўли билан фоҳишалик учун юборилишининг олди олинди. Бу ҳақда вилоят ИИБ хизмати хабар берди.
Маълум бўлишича, вилоятнинг Оқдарё туманида яшовчи 29 ёшли йигит 22 ёшли қизни келгусида фоҳишалик мақсадида ишлатиш учун Самарқанд халқаро аэропорти орқали Туркиянинг Истанбул шаҳрига юборишни режа қилган. Шу мақсадда Истанбул шаҳрида яшаб келаётган онаси О.Р. билан олдиндан жиноий тил бириктирган.
Самарқанд вилояти ИИБ Терроризм ва экстремизмга қарши курашиш бошқармаси ҳамда ДХХ Самарқанд вилояти бошқармаси ходимлари ҳамкорлигида олиб борилган тезкор тадбирлар давомида йигит қизни Самарқанд халқаро аэропортидан жўнатаётганида қўлга олинган.
Мазкур ҳолат юзасидан, Самарқанд шаҳри бўйича ИИО ФМБ ҳузуридаги Тергов бўлими томонидан Жиноят кодексининг 135-моддаси (одам савдоси) 2-қисми билан жиноят иши қўзғатилиб, тергов ҳаракатлари олиб борилмоқда.
Мавзуга доир:
- Тошкент аэропортида уч нафар аёл Туркияга фоҳишаликка юборилаётганда тўхтатиб қолинди
- Фарғонада бир аёлни алдаб, уни Туркияга фоҳишалик қилишга юбормоқчи бўлган икки аёл қўлга олинди
- Хоразмда уч нафар қизни Дубайга фоҳишалик қилиш учун жўнатишга уринган шахслар қўлга олинди
- Андижонда икки нафар танишини Туркияга фоҳишалик қилишга олиб кетмоқчи бўлган наманганлик аёл қўлга олинди
Изоҳ (0)