ИИВ Транспортда хавфсизликни таъминлаш бош бошқармаси ва унинг маҳаллий бўлинмалари томонидан темир йўлда бахтсиз ҳодисаларнинг олдини олиш бўйича тадбирлар амалга ошириб келинмоқда, деб ёзмоқда ИИВнинг «Постда» нашри.
Қайд этилишича, Ўзбекистондаги темир йўлларда 2021 йилнинг январь—август ойларида 30 та бахтсиз ҳодиса рўй берган.
Хусусан, шундай ҳолатларнинг бири Ангренда юз берган. Оҳангаронлик 34 ёшли фуқаро «Ақча» ва «Облиқ» бекатларининг 91-километрида Тошкент—Ангрен йўналиши бўйича ҳаракатланиб кетаётган йўловчи поезди уриб кетиши оқибатида ҳалок бўлган. Воқеа кечки пайт соат 19:15 ларда юз берган.
Қашқадарёнинг Қамаши туманида 30 ёшли киши эҳтиётсизлик оқибатида шундай бахтсиз ҳодиса қурбони бўлган. Уни «Назарбек» ва «Келес» бекатлари оралиғидаги 3359-километрида Андижон—Қўқон—Тошкент йўналишида ҳаракатланиб келаётган электропоезд уриб кетган.
Шунингдек, кўрилаётган вақт давомида вагонлар деразалари синдирилиши бўйича 11 та ҳолат, темир йўлга ёт жисмни қўйиш билан боғлиқ 4 та ҳолат қайд этилган.
Мавзуга доир:
- Фарғонада оилавий жанжал туфайли ўзини поезд остига ташламоқчи бўлган аёл қутқариб қолинди
- Қашқадарёда қайнатаси билан тортишиб қолган келин ўзи ва икки фарзандини поезд тагига ташлаб, вафот этди
- Сирдарёда поезд аёлни иккига бўлиб юборгани ҳақидаги хабарлар юзасидан расмий маълумот берилди
- Андижонда қулоқчин тақиб кетаётган йигитни поезд босиб кетди
Изоҳ (0)