Самарқанд вилояти Пайариқ туманида хориж фуқаролар дўкондан пулларни ўғирлаб кетди, дея хабар қилмоқда вилоят ИИБ ахборот хизмати.
Қайд этилишича, Пайариқ туманида 2021 йил 12 сентябрь куни соат 17:00 ларда савдо дўконига ташқи кўринишидан чет давлат фуқаросига ўхшайдиган бир эркак ва аёл киши келиб, турк тилида гапириб, 100 АҚШ доллари пулларини иккита 50 АҚШ доллари купюраларига алмаштириб беришини сўраган.
Сотувчи дўконидаги сейфидан купюраларни уларга олиб бераётган вақтида, ўша эркак киши сейфидаги 5100 АҚШ долларини ўғирлаб олиб, ёнидаги аёл билан бирга чиқиб кетган.
Хавфсиз туризмни таъминлаш ходимлари томонидан олиб борилган тезкор суриштирув ишлари натижасида, ушбу жиноятни Эрон фуқаролари 1958 йилда туғилган Р.А. ҳамда унинг турмуш ўртоғи 1980 йилда туғилган С.Д. содир этилгани аниқланиб, Тошкент шаҳри ҳудудида далилий ашёлар билан қўлга олинган.
Ҳозирда ҳолат юзасидан Самарқанд вилояти Пайариқ тумани ИИБ ҳузуридаги Тергов бўлими томонидан дастлабки тергов ҳаракатлари олиб борилмоқда.
Изоҳ (0)