Аксарият юлдуз оналар фарзандларини дунёга келтиргач, аввалги қоматини йўқотади. Лекин айримлари ўз устида қаттиқ ишлаб, яна гўзал қоматга эга бўлади. Қуйида бир неча фарзандини дунёга келтирган ҳамда гўзал ташқи кўринишини ҳам йўқотмаган машҳур оналар билан танишиб чиқинг.
Бейонсе
Уч фарзанднинг онаси Бейонсе ҳомиладорлик пайтида жуда кўп вазн йиғган. Айниқса, иккинчи ҳомиладорлигида у 30 килограммга семирди. Мухлислари жуда гўзал қоматда кўришга одатланган бечора Бейонсе танқидларга учради. Баъзан бу каби танқидларга хонанданинг онаси ҳам жавоб қайтарди. Ҳомиладор аёл дуч келадиган қийинчиликларни тушунтирди. Бейонсе туғруқдан сўнг ўзининг гўзал қоматини қайтариш билан шуғулланади. У таниқли мураббий Марко Борхесга мурожаат қилди, у ҳар куни шахсан машғулот ўтказиш учун хонанданинг квартирасида яшашга ҳам кўнди. Бейонсенинг диетаси жуда оддий бўлиб, гўшт ва сут маҳсулотларини рациондан бутунлай чиқариб ташлади ва фақат оқсилга бой коктейллар, ананас ва тухум оқини истеъмол қилди.
Меган Фокс
Меганнинг ташқи кўринишига қараб уч фарзанднинг онаси эканлигига ишониш қийин. Актриса ўз сирини оддий тушунтиради: у ҳомиладорлик пайтида ҳам, ундан кейин ҳам сут маҳсулотларидан воз кечган. Шунинг учун у ўн килограммдан бироз кўпроқ вазн олган, холос. Гарчи баъзи мухлислар Меганнинг сўзлари самимийлигига шубҳа қилса-да, у қоматини сунъий равишда тузатишга ҳеч қандай харажат қилмайди.
Кортни Кардашьян
Опалари сингари Кортни ҳам семиришга мойил, шунинг учун Кардашьян оиласининг аёллари умрбод диетада. Кортнининг учта фарзанди бор. Ҳомиладорликда Кортни кучини йўқотди ва 22 килограммга семирди. Кортни мураббий Трейси Андерсонга мурожаат қилди. Трейси ҳар куни Кортнини бир ярим соат давомида шуғуллантирди, лекин у калорияларни ҳисоблашга мажбурламади. Аммо Кортни ҳали ҳам овқатланишда чекловларга амал қилади. Масалан, нонушта учун у банан билан оқсилли коктейл ичади ва кечки овқат учун бир пиёла кўк чой ичиши мумкин.
Жессика Симпсон
Хонанданинг уч нафар фарзанди бор. У узоқ вақт давомида оза олмади. Гарчи у ўзини худди шундайлигича ҳам севишини бир неча бор айтган бўлса-да, Жессика янги кўринишда ўзини ноқулай ҳис қилиши аниқ эди. Яхшиямки, юлдуз спорт ва овқатланишга бўлган муносабатида мувозанатни топди. Унинг рациони оддий: ҳар доим товуқ ёки курка гўшти ва сабзавотлар. Ширинликдан эса воз кечган.
Риз Уизерспун
Голливуд актрисасининг учта фарзанди бор. Риз ортиқча вазндан азият чекмади. Ҳомиладорлик вақтида ҳам унчалик кўп килограмм йиғмади. Лекин унинг бор вазни ҳам кичик бўйига оғирлик қилди. Риз бундан қутулмади ва махсус дастурлар ихтиро қилмади, шунчаки, болалар овқатини ейишни бошлади.
Изоҳ (0)