Товуқли султон кабоб пишириб кўринг

Турк ошхонасига мансуб мазали таом рецептини эътиборингизга ҳавола қиламиз.

Керакли маҳсулотлар:

• товуқ — 250 г;
• юпқа ёйилган хамир;
• нўхат — 100 г;
• қовоқча — 1 дона;
• сабзи — 1 дона;
• пиёз — 1 дона;
• саримсоқ пиёз;
• томат пастаси — 1 ош қошиқ;
• сув — 200 мл;
• сариёғ — 1 ош қошиқ;
• пишлоқ — 100 г;
• туз.

• сариёғ — 3 ош қошиқ;
• ун — 3 қошиқ;
• сут — 200 г;
• ёнғоқ;
• мурч.

• Соус тайёрлаш учун товага сариёғ ва ун солиб, ҳиди чиққунига қадар қовуринг.
• Устидан секин-аста сут қўшинг ва аралаштиришда давом этинг.
• Қайнаш бошланганида оловни пасайтириб, ора-орада аралаштириб туринг.
• Қуюқлашишни бошлаганида туз, қирғичдан чиқарилган ёнғоқ ва мурч солиб, устини ёпинг.
• Сариёғ солинган товада пиёзни қовуриб олинг.
• Қизарганидан кейин тўғралган товуқ солиб, қовуришда давом этинг.
• Сабзи, нўхат, қовоқча ва саримсоқни қўшиб аралаштиринг.
• Томат пастаси, туз ва мурч қўшинг, бир дақиқадан кейин оловни ўчиринг.
• Юпқа ёйилган хамирни тўртга бўлинг ва уларни учбурчак шаклга келтиринг (четлари чиқиб турсин)
• Ичига товуқли аралашмани солинг.
• Хамирнинг чети билан товуқли аралашмани ёпинг.
• Махсус идишга солинг ва устидан тайёрлаб олинган соусни қуйинг, қирғичдан чиқарилган пишлоқ сепинг.
• 180 даража қизиган печда 15 дақиқа давомида пиширинг.