Машҳур «стойка», Чемпионлар Лигасидаги сакраш ва илк «Олтин тўп». Криштиану Роналдунинг «Манчестер Юнайтед»даги энг эсда қоларли дамлари
Криштиану Роналдунинг «Манчестер Юнайтед»га қайтиши, албатта, «Юнайтед» мухлислари ва Премьер Лига ихлосмандларида илиқ хотираларни уйғотди. Португалиялик Англияга ёш истеъдод сифатида келиб, қисқа вақт ичида жаҳон юлдузига айланганди.
«Манчестер Юнайтед» билан биргаликда Роналду уч марта Премьер Лигада ғолиб чиққан. Чемпионлар Лигаси, Англия Кубоги, Англия Суперкубоги ва клублар ўртасидаги Жаҳон Чемпионатида эса бир мартадан зафар қучган. Шунингдек, Лига Кубогида икки бор бош совринни қўлга киритган. Криштиану жамоавий ғалабаларини шахсий ютуқлари билан параллел равишда олиб борган. У 2008 йилда дастлабки «Олтин тўп»ини қўлга киритди ва 196 та ўйинда 84 та гол уради.
Ҳозир унинг бу статистикаси ҳайратомуз бўлиб кўринмайди, (айниқса, Кришнинг кейинги йиллардаги самарадорлиги фонида), бироқ ҳамма яхши эслайдики, ўшанда Роналду якка якунловчи мақомидан анча узоқ бўлган – у вазиятлар яратар, ҳимоячиларни алдаб ўтар ва ностандарт қарорлар билан мухлисларни лол қолдирарди.
Қуйида Криштиану Роналдунинг «Манчестер Юнайтед»даги энг эсда қоларли дамлари акс этган суратлар бир саҳифага жамланди.
Роналду ва «Манчестер Юнайтед» ҳақида гап кетганда, Сер Алекс Фергюсонни эсга олмасликнинг иложи йўқ. Ҳаммаси шу тариқа бошланганди. Фото: Getty Images
Криштиану Руд ван Нистелрой билан «Юнайтед»даги илк совринини нишонламоқда. 2003/04 йилги мавсумда Англия Кубоги финалида «Миллуолл» мағлуб этилганди (3:0). Криштиану ҳисобни очган бўлса, ван Нистелрой дубль қайд этган. Getty Images
Жамоанинг ҳозирги мураббийи Роналду билан 2003–2007 йилларда бирга ўйнаган. Оле-Гуннар Сульшер Криш ҳақида доим илиқ фикрлар билдирган – трансфердан бир неча соат олдин эса у португалияликни барча даврларнинг энг яхши футболчиси деб атади. Фото: Getty Images
Бу эса Роналдунинг машҳур тайёргарлик жараёнининг («стойка») туғилиши. Фото: Getty Images
2008 йил январь ойида Роналду «Манчестер Юнайтед» таркибидаги ягона ҳет-трикини қайд этган – «Ньюкасл»га қарши ўйин (6:0). Ўшанда Шей Гивен Кришнинг зарбаларидан азият чекканди. Фото: Getty Images
2008 йилги Чемпионлар Лигаси финали. Роналду ўзининг ажойиб сакраши орқали ҳисобни очади. Фото: Twitter
Криштиану Роналдунинг Чемпионлар Лигасидаги илк соврини. Шундан сўнг у яна 4 марта ушбу совринни боши узра баланд кўтаради, аммо ҳамма нарсанинг биринчиси бошқача бўлади. Фото: Twitter
Роналду ушбу ғалабани Фергюсон билан бирга нишонлашни ҳам унутмаган. Фото: Getty Images
Фото: Twitter
Худди шу сценарий «Олтин тўп» билан ҳам содир бўлган. Ҳозирда португалияликнинг ҳисобида 5 шундай тўп мавжуд. Биринчисини айнан 2008 йили «Юнайтед»да қўлга киритган. Совринни афсонавий Денис Лоу ва Бобби Чарлтон билан бирга нишонламоқда. Фото: Getty Images
Албатта, 2007/08 йилги мавсум «Олтин бутса»дан ҳам холи бўлмаган. Ўшанда Роналду 31 та гол урганди. Фото: «Манчестер Юнайтед»
Чемпионликдан бир ярим ой ўтгач, Роналду «Реал»га йўл олади. Унинг тақдимотига «Сантьяго Бернабеу»га 80 минг мухлис келади. Фото: Getty Images
«Манчестер Юнайтед» 2013 йилдан буён АПЛда ғалаба қозонмаган. Аммо энди Роналду қайтди, у каби ўйинчи билан жамоа олдига фақат энг юқори натижалар қўйилади.
Изоҳ (0)