Энг арзон гўшт, ёғ, сабзи Ўзбекистоннинг қайси бозорларида сотилаётгани маълум қилинди

Давлат статистика қўмитаси 2021 йил 25 август кунги ҳудудий марказий деҳқон бозорларида ўтказилган кузатув натижалари бўйича алоҳида турдаги озиқ-овқат маҳсулотларининг минимал-максимал нархларини эълон қилди.

Унга кўра, ўрганилган вақт давомида асосий озиқ-овқат маҳсулотлари нархи қуйидагича:

Мол гўшти 45 000 сўмдан 68 000 сўмгача

1 килограмм суякли мол гўштининг минимал нархи Нукус шаҳрининг «Нукус деҳқон бозори»да қайд этилган (45 000 сўм). Мол гўштининг максимал нархи эса Тошкент шаҳрининг «Фарҳод деҳқон бозори» ва «Миробод деҳқон бозори»да кузатилган (68 000 сўм).

Қўй гўшти 52 000 сўмдан 80 000 сўмгача (килограмм)

Қўй гўштининг минимал нархи Тошкент шаҳрининг «Фарҳод деҳқон бозори»да (52 000 сўм) рўйхатга олинган. Максимал нархи эса Чирчиқ шаҳрининг «Чирчиқ деҳқон бозори», Тошкент шаҳрининг «Олой деҳқон бозори»да (80 000 сўм) кузатилган.

Картошка 1500 сўмдан 5000 сўмгача (килограмм)

Картошканинг минимал нархи Фарғона шаҳрининг «Марказий деҳқон бозори»да қайд этилган (1500 сўм). Максимал нархи эса Тошкент шаҳрининг «Олой деҳқон бозори»да, «Фарҳод деҳқон бозори» ва «Миробод деҳқон бозори»да (5000 сўм) кузатилган.

Пиёз 800 сўмдан 3000 сўмгача (килограмм)

Пиёз маҳсулотининг минимал нархи Термиз шаҳрининг «Марказий деҳқон озиқ-овқат бозори»да (800 сўм) рўйхатга олинган. Максимал нархи эса Тошкент шаҳрининг «Олой деҳқон бозори»да кузатилган (3000 сўм).

Сабзи 2000 сўмдан 10 000 сўмгача (килограмм)

Сабзи маҳсулотининг минимал нархи Гулистон шаҳрининг «Гулистон деҳқон бозори», Тошкент шаҳрининг «Қўйлиқ деҳқон бозори»да (2000 сўм) қайд этилган. Максимал нархи эса Тошкент шаҳрининг«Эски жўва деҳқон бозори» да (10 000 сўм) кузатилган.

Тухум 5000 сўмдан 14 000 сўмгача (10 дона)

Тухум маҳсулотининг минимал нархи Тошкент шаҳрининг «Қўйлиқ деҳқон бозори»да қайд этилган (5000 сўм). Максимал нархи эса Тошкент шаҳрининг «Эски жўва деҳқон бозори», «Фарҳод деҳқон бозори»да кузатилган (14 000 сўм).

Гуруч 5000 сўмдан 18 000 сўмгача (килограмм)

Гуруч маҳсулотининг минимал нархи Нукус шаҳрининг «Нукус деҳқон бозори»да рўйхатга олинган («Нукус 2» навли гуруч 5000 сўм). Максимал нарх эса Тошкент шаҳрининг «Эски жўва деҳқон бозори», «Олой деҳқон бозори»да кузатилди («Лазер» навли гуруч 18 000 сўм).

Ўсимлик ёғи 14 000 сўмдан 24 000 сўмгача (литр)

Ўсимлик ёғи минимал нархи Андижон шаҳрининг «Янги бозор деҳқон бозори», Жиззах шаҳрининг «Жиззах марказий деҳқон бозори», Тошкент шаҳрининг «Миробод деҳқон бозори»да (маҳаллий пахта ёғи 14 000 сўм) кузатилган. Максимал нархи эса Тошкент шаҳрининг «Олой деҳқон бозори», «Миробод деҳқон бозори»да (кунгабоқар ёғи 24 000 сўм) аниқланган.

Шакар 7500 сўмдан 9000 сўмгача (килограмм)

Шакар маҳсулотининг минимал нархи Тошкент шаҳрининг «Олой деҳқон бозори», «Фарҳод деҳқон бозори», «Миробод деҳқон бозори», «Эски жўва деҳқон бозори» ва «Қўйлиқ деҳқон бозори»да (7500 сўм) қайд этилган. Максимал нархи эса Жиззах шаҳрининг «Жиззах марказий деҳқон бозори», Тошкент шаҳрининг «Миробод деҳқон бозори»да (9000 сўм) кузатилган.

Бунда фақатгина деҳқон бозорлари ҳудудидаги озиқ-овқат маҳсулотлари нархлари ҳисобга олинган. Супермаркет, минимаркет, дўконлардаги нархлар инобатга олинмаган.