Қомат ва саломатликда муаммо бўлмаслиги учун қайси маҳсулотлардан воз кечиш кераклиги ҳақида маълумот бериб ўтамиз.
Қайта ишланган гўшт маҳсулотлари
Зарарли маҳсулотлар рўйхатида колбаса, сосиска, консерва маҳсулотлари, музлатилган котлетлар, наггец ва бошқа ярим тайёр маҳсулотлар етакчилик қилади. Буларнинг барида туз, консервантлар ва бошқа кимёвий қўшимчалар бисёр бўлади. Энг ёмони, бу каби маҳсулотлар қондаги холестерин миқдорини ошириб, вазн ортиши ҳамда юрак касалликларига сабаб бўлиши мумкин.
Майонез
Майонез энг зарарли соуслардан бири саналади. Аксарият аёллар ушбу маҳсулотни зарарли ва калорияли егуликнинг рамзи деб билади. Эркаклар эса майонезни универсал ҳисоблаб, уни деярли барча таомга қўшишга тайёр бўлади. Уйда тайёрланган майонез ўсимлик ёғи, туз, сирка ва бироз зираворларни ўз ичига олади. Дўкондан харид қилинган вариантида эса қўшимчалар мўл бўлади.
Маргарин
Маргарин сув асосида ишлаб чиқарилган сунъий ёғ ҳамда, асосан, генномодификацияланган соядан олинадиган ўсимлик ёғини ўз ичига олади. Бундан ташқари, ушбу маҳсулот таркибида холестерин миқдорини ошириш билан бирга, юрак касалликларини келтириб чиқариши мумкин бўлган трансёғлар ҳам мавжуд.
Мюсли
Бўтқа, омлет ва сирник пиширгандан кўра мюсли тайёрлаш аъло ечимдек туюлади. Тайёрлаш осон бўлгани билан, ушбу маҳсулот катта миқдордаги шакар, ўсимлик ёғи ва таъм кучайтирувчи қўшимчаларнинг кони ҳисобланади. Унинг 100 граммида тахминан 400 килокалория мужассам.
Ёғсизлантирилган маҳсулотлар
Ёғсизлантирилган маҳсулотлар кундан кунга машҳурликка эришмоқда. Ишлаб чиқариш ва истеъмолга бўлган талаб тобора юқори бўлгани билан, бу каби йогурт, твороглар сиз ўйлаганингизчалик парҳезбоп бўлмайди. Ишлаб чиқарувчилар ёғнинг ўрнига таъм кучайтиргич ва бошқа кимёвий қўшимчалардан фойдаланади. Қолаверса, яроқлилик муддатини чўзиш учун трансёғлар қўшилади.
Изоҳ (0)