Samsung Galaxy A03s: HD+ экранли, учталик камера ва 5000 мА/соатли аккумуляторга эга ҳамёнбоп модель тақдим этилди

Samsung Galaxy A03s смартфони HD+ сифатни қўллаб-қувватлайдиган 6,5 дюймли Infinity-V дисплейига эга бўлади, деб хабар беради Hi-Tech.Mail.ru.

Смартфон MediaTek Helio P35 процессорида, 2,3 гигагерц такт частотасига эга саккиз ядроли ARM Cortex-A52 ва IMG PowerVR GE8320 график тезлаштиргичида ишлайди. Модель Android 11 нинг One UI 3.1 Core операцион тизимида бошқарилади.

Учталик камера f/2,2 диафрагмали 13 мегапикселга тенг асосий датчик, шунингдек, макро суратларга олишлар учун 2 мегапикселли модуль ва чуқурликни ўлчовчи 2 мегапикселли датчикни ўз ичига олган. Фронтал камераси эса 5 мегапикселни ташкил этади.

Аккумулятор сиғими катта — 5000 мА/соат (15 ваттда қувватланиш имкониятига эга). Бундан ташқари, қурилманинг ён томонида бармоқ изи сканери жойлашган, смартфон Wi-Fi, Bluetooth 5, наушниклар учун 3,5 миллиметрли ва USB Type-C портларини қўллаб-қувватлайди.

Қурилманинг 3/32 гигабайтли версияси нархи 155 доллардан, 4/64 гигабайтлиси эса 170 доллардан бошаланади.

Аввалроқ Samsung эгилувчан экранга эга янги смартфони — «раскладушка» ва «китобча»ни тақдим этгани, Samsung’нинг рулон смартфони фойдаланувчиларни ҳайрон қолдиргани тўғрисида хабар берилганди.